தன் வினை தன்னை சுடும்.. ஓடும் ரயிலில் திருட்டு.. கால் நசுங்க ஆண்டவன் கொடுத்த தண்டனை.!
snatching cell phone theft struggling train wheel
தன்வினை தன்னைச்சுடும் என்ற பழமொழியை உண்மையாக்கும் வகையில் ஓடும் ரயிலில் செல்போன் பறிப்பில் ஈடுபட்ட திருடன் தவறி விழுந்ததில் ரயில் சக்கரத்தில் கால் சிக்கி சிதைந்து போன சம்பவம் அரங்கேறியுள்ளது.
சென்னையில் 'அட்டை' என்று அழைக்கப்படும் நவீன் என்ற இளைஞர் திருடுவதை தொழிலாக கொண்டுள்ளார். இவர் மீது ஏற்கனவே ஆறு வழக்குகள் நிலுவையில் இருக்கின்றன.
நவீன் என்று அழைக்கப்படும் அந்த இளைஞர் மெதுவாக செல்கின்ற ரயிலில் ஜன்னல் வழியாக செல்போன் பறிப்பது மற்றும் படிக்கட்டில் நிற்கின்ற பயணிகளிடம் செல்போன் பறிப்பதை தனது தொழிலாக கொண்டுள்ளார்.
சம்பவ தினத்தன்று ஒரு பயணி படிக்கட்டில் செல்போன் பயன்படுத்திக் கொண்டு இருந்தார். அப்பொழுது ஓடும் ரயிலில் அவரிடம் இருந்து செல்போனை பறிக்க நவீன் முயற்சித்த பொழுது கால் இடறி கீழே விழுந்து அவரது கால்கள் ரயில் சக்கரத்தில் சிக்கியுள்ளது. இதனை தொடர்ந்து, அவரை மீட்ட ரயில்வே காவல்துறையினர் மருத்துவமனையில் அனுமதித்துள்ளனர்.
English Summary
snatching cell phone theft struggling train wheel