தென் மாவட்ட வெள்ள நிவாரணப் பணி: முதல்வர் ஸ்டாலின் அதிரடி உத்தரவு!

அரசு நிவாரண உதவிகள் பொதுமக்களை 100 சதவீதம் சென்றடைவதை உறுதி செய்ய வேண்டும் என முதலமைச்சர் மு.க. ஸ்டாலின் அறிவுறுத்தியுள்ளார்.

அதிக கன மழை மற்றும் வெள்ளப்பெருக்கினால் பாதிக்கப்பட்டது. தூத்துக்குடி, திருநெல்வேலி, கன்னியாகுமரி, தென்காசி ஆகிய மாவட்டங்களில் நிவாரண பணிகளை மேற்கொள்வது குறித்து முதலமைச்சர் மு.க. ஸ்டாலின் தலைமையில் உயர்நிலை ஆய்வு கூட்டம் இன்று நடைபெற்றது.

இந்தக் கூட்டம் சென்னை தலைமைச் செயலகத்தில் நடைபெற்றது. இதில் அமைச்சர்கள், தலைமைச் செயலாளர், அரசு உயர் அதிகாரிகள், வெள்ளத்தால் பாதிக்கப்பட்ட மாவட்டங்களைச் சேர்ந்த அமைச்சர்கள், நாடாளுமன்ற உறுப்பினர்கள், மாவட்ட ஆட்சியர்கள் உள்ளிட்ட அதிகாரிகள் கலந்து கொண்டனர்.