இலங்கையின் மல்லாகம் நீதிமன்றம் கடந்த ஜூன் 25 அன்று கைது செய்யப்பட்ட தமிழக மீனவர்கள் மற்றும் விசைப்படகு ஓட்டுநர் தொடர்பான வழக்கில் அதிரடி தீர்ப்பளித்துள்ளது.

நாகை மாவட்டம் அக்கரைப்பேட்டை பகுதியைச் சேர்ந்த ஆனந்தனின் விசைப்படகில், தமிழகம் மற்றும் ஆந்திராவைச் சேர்ந்த மொத்தம் 10 மீனவர்கள் இலங்கை கடற்பரப்பில் மீன்பிடித்ததாகக் கூறி, இலங்கை கடற்படையினர் அவர்களை கைது செய்தனர்.

கைது நடவடிக்கையின் போது, இலங்கை கடற்படையினர் தவறி விழுந்து வீரர் ரத்நாயக்க உயிரிழந்தது முக்கிய விவகாரமாகும்.இதற்காக கங்கேசன்துறை காவல் நிலையத்தில் வழக்குப்பதிவு செய்யப்பட்டது.

9 மீனவர்கள்:நிபந்தனையுடன் விடுதலை செய்யப்பட்டனர். மீண்டும் இலங்கை கடற்பரப்பில் மீன்பிடித்தால், சிறை தண்டனை விதிக்கப்படும் என எச்சரிக்கப்பட்டுள்ளது.

விசைப்படகு ஓட்டுநர்:அவருக்கு ஒரு வருடம் சிறை தண்டனை விதிக்கப்பட்டது.

கடற்படை வீரர் ரத்நாயக்க உயிரிழப்பு:உயிரிழந்த வீரரின் குடும்பத்துக்கு இழப்பீடாக இலங்கை ரூ.35 லட்சம் (இந்திய மதிப்பில் ரூ.10 லட்சம்) வழங்குமாறு உத்தரவிடப்பட்டுள்ளது.

இந்த தீர்ப்பு தமிழக மீனவர்களுக்கு மீன்பிடி நடவடிக்கையில் தடையாக இருக்கக்கூடும். மேலும், மீனவர்களது பாதுகாப்பு தொடர்பாக இந்திய அரசு பல்வேறு முயற்சிகளை மேற்கொள்ள வேண்டிய தேவையும் எழுந்துள்ளது.

இந்த சம்பவம் மீண்டும் இந்தியா-இலங்கை மீனவர் பிரச்சினை குறித்து பரபரப்பை தூண்டியுள்ளது. இலங்கை கடற்பரப்பில் மீன்பிடி பிரச்சினைகளின் தீர்வு குறித்து இரு நாடுகளும் விரைவாக நடவடிக்கை எடுக்க வேண்டும் எனக் கோரிக்கைகள் எழுந்துள்ளன.