2 ஆம் கட்ட விருது வழங்கும் விழா - விழா இடத்திற்கு வந்தார் த.வெ.க தலைவர்.!
tvk leader vijay come in awarding ceremony function
தமிழ் சினிமாவின் முன்னணி நடிகர் விஜய் 'தமிழக வெற்றிக் கழகம்' என்ற கட்சியை தொடங்கியுள்ளார். தேர்தல் ஆணையம் அங்கீகாரம் வழங்கியதும் கட்சியின் கொடி, சின்னம் அறிவிக்கப்படும் என்று அவர் தெரிவித்தார்.
இதற்கு முன்பாக நடிகர் விஜய் கடந்த வருடம் 10 மற்றும் 12-ம் வகுப்பு பொதுத் தேர்வில் தமிழகம் முழுவதும் தொகுதி வாரியாக முதலிடங்களை பெற்ற மாணவ, மாணவிகளுக்கு ஊக்கத் தொகை மற்றும் சான்றிதழ்களை வழங்கி பாராட்டுத் தெரிவித்தார். இதேபோல், இந்த வருடமும் பொதுத் தேர்வில் முதல் மூன்று இடங்களை பெற்ற மாணவர்களுக்கு தொகுதி வாரியாக இரண்டு கட்டங்களாக பரிசுகளை வழங்குகிறார் நடிகர் விஜய்.
இதில் முதற்கட்டமாக, கடந்த 28ம் தேதி திருவான்மியூரில் மாணவர்களுக்கு பாராட்டு விழா நடைபெற்றது. இந்த விழாவில் கோவை, ஈரோடு, மதுரை உள்ளிட்ட 21 மாவட்டங்களைச் சேர்ந்த மாணவர்களுக்கு சான்றிதழ்கள் மற்றும் ஊக்கத்தொகையை விஜய் வழங்கினார்.
இந்த நிலையில், இரண்டாம் கட்டமாக இன்று தமிழக வெற்றிக் கழகத்தின் கல்வி விருது வழங்கும் விழா நடைபெறுகிறது. இந்த விழாவில், செங்கல்பட்டு, சென்னை, கடலூர், கள்ளக்குறிச்சி, காஞ்சிபுரம், காரைக்கால், மயிலாடுதுறை, நாகப்பட்டினம், பெரம்பலூர், புதுச்சேரி, ராணிப்பேட்டை, தஞ்சாவூர், திருவள்ளூர், திருவண்ணாமலை, திருவாரூர், திருப்பத்தூர், திருச்சி, வேலூர், விழுப்புரம் உள்ளிட்ட மாவட்டங்களைச் சேர்ந்த மாணவர்களுக்கு விஜய் சான்றிதழ்கள் மற்றும் ஊக்கத்தொகையை வழங்க உள்ளார்.
இந்த விழாவை முன்னிட்டு நடிகர் விஜய் அதிகாலையிலேயே நிகழ்ச்சி நடைபெறும் இடத்திற்கு வருகை தந்துள்ளார். மேலும், இந்த நிகழ்ச்சியில் கலந்துகொள்ளும் மாணவர்கள் மற்றும் பெற்றோர்களுக்கு அறுசுவை உணவு வழங்கப்படுகிறது.
English Summary
tvk leader vijay come in awarding ceremony function