ஜனசதாப்தி ரயில் தடம் புரண்டது : சென்னை பேசின் பிரிட்ஜ்!

சென்னை பேசின் பிரிட்ஜ் அருகே,யார்டுக்கு சென்ற ஜனசதாப்தி விரைவு ரயில் விபத்துக்குள்ளானது.

ஜனசதாப்தி விரைவு ரயில் நேற்று முன்தினம் இரவு 10.40 மணிக்கு ஆந்திர மாநிலம் விஜயவாடாவில் இருந்து சென்னை சென்ட்ரல் நிலையத்திற்கு வந்தடைந்தது.பயணிகள் அனைவரும் இறங்கிய பிறகு, இரவு 12 மணிக்கு பேசின் பிரிட்ஜ் யார்டுக்கு, இரயில் பெட்டிகளை தூய்மைப்படுத்த கொண்டு செல்லப்பட்டது.

அப்போது, இன்ஜினை ஒட்டியுள்ள இரண்டு பெட்டிகள் திடீரென தடம் புரண்டு விபத்துக்குள்ளானது. இதைக் கண்ட இரயில் ஓட்டுநர்களால், ரயில் உடனடியாக நிறுத்தப்பட்டது.

தகவல் அறிந்து சம்பவ இடத்திற்கு வந்த இரயில்வே ஊழியர்களால் சுமார் இரண்டு மணி நேர பணிக்கு பின் தடம் புரண்ட பெட்டிகளை இரயிலுடன் இணைத்து இரயில் பெட்டிகள் யார்டுக்கு கொண்டு செல்லப்பட்டது.

இந்த விபத்துக்கான காரணத்தை இரயில்வே போலிசார் மற்றும் இரயில்வே அதிகாரிகள் விசாரணை நடத்தி வருகின்றனர்.