கரூர் || மின்சாரம் தாக்கி வாலிபர் பரிதாபமாக உயிரிழப்பு.!

கரூர் மாவட்டத்தில் மின்சாரம் தாக்கி வாலிபர் பரிதாபமாக உயிரிழந்துள்ளார்.

கரூர் மாவட்டம் காந்திகிராமம் பகுதியை சேர்ந்தவர் பழனிவேல் (26). இவர் மணல்மேடு அடுத்துள்ள டெஸ்ட் பார்க் பகுதியில் உள்ள தனியார் டெக்ஸ் நிறுவன கட்டிடத்தில் ஒப்பந்த அடிப்படையில் மொசைக் பாலிஷ் போடும் வேலை செய்து கொண்டிருந்தார்.

அப்பொழுது மொசைக் இயந்திரத்தில் திடீரென ஏற்பட்ட மின்காசிவால் பழனிவேல் மீது மின்சாரம் பாய்ந்து கீழே துடி துடித்து மயங்கி விழுந்துள்ளார். இதையடுத்து அவரை மீட்டு சிகிச்சைக்காக கரூர் அரசு மருத்துவமனைக்கு கொண்டு சென்றனர்.

ஆனால் அங்கு பரிசோதனை செய்த மருத்துவர் பழனிவேல் ஏற்கனவே இறந்து விட்டதாக தெரிவித்துள்ளார். மேலும் இந்த சம்பவம் குறித்து அவரை குறிச்சி போலீசார் வழக்கு பதிவு செய்து விசாரணை மேற்கொண்டு வருகின்றனர்.