சமீபத்தில்  டிவிஎஸ் மோட்டார்ஸ் நிறுவனம், தனது பிரபலமான ரேடியான் மோட்டார் சைக்கிளின் புதிய ஆல்-பிளாக் எடிஷனை இந்திய சந்தையில் அறிமுகம் செய்துள்ளது. 

ஆல்-பிளாக் எடிஷன் புதிய மாடல், ரேடியான் மாடலின் என்ட்ரி-லெவல் வகையாகக் கருதப்படுகிறது, மேலும் இதன் விலை ரூ. 59,880 என எக்ஸ்-ஷோரூம் விலையில் விற்பனை செய்யப்படுவதாக சொல்லப்படுகிறது. புதிய வேரியண்ட் வந்த பிறகு, டிவிஎஸ் ரேடியான் மாடல் இப்போது மூன்று முக்கிய மாடல்களில் கிடைக்கிறது:

பேஸ், டிஜி டிரம் மற்றும் டிஜி டிஸ்க் . மேலும், இந்த மாடல்கள் ஏழு விதமான வண்ணங்களில் கிடைக்கின்றது. இந்த புதிய ஆல்-பிளாக் வேரியண்ட், மாடலின் சிறப்பம்சங்களை இன்னும் உயர்த்தி, கிளாஸ் பிளாக் நிறத்துடன் வந்துள்ளது.

அதனோடு வைட் இன்சர்ட்கள் மற்றும் டிவிஎஸ் மற்றும் ரேடியான் பேட்ஜிங்கின் கான்டிராஸ்ட் ஃபினிஷ் இந்த மாடலுக்கு கூடுதல் ஸ்டைல் தந்திருக்கிறது. இந்த பைக்கின் முழு தோற்றம் ஆல்-பிளாக் ஃபினிஷுடன் ஆக்டிவாக உள்ளது. மேலும், எஞ்சின் கவர் மட்டும் பிரான்ஸிஷ் கோல்டு நிறத்தில் உள்ளது, இது மற்ற நிறங்களுடன் ஒட்டுமொத்தமாக மெருகூட்டப்பட்டிருக்கும்.

 புதிய வேரியண்டில் மற்ற ரேடியான் மாடல்களில் உள்ளதை போலவே 109.77cc ஏர்-கூல்டு எஞ்சின் வழங்கப்பட்டுள்ளது. இந்த எஞ்சின் 8 ஹெச்பி பவர் மற்றும் 9.7 நியூட்டன் மீட்டர் டார்க் ஆற்றலை வெளிப்படுத்தும். மேலும், இது 4 ஸ்பீடு கியர்பாக்ஸ் கொண்டது, இதன் இயக்கத்திலும், மொத்த செயல்பாடுகளிலும் சீரான, மென்மையான அனுபவத்தை தரும்.

சவாரி வசதிக்காக முன்புறத்தில் டெலிஸ்கோபிக் ஃபோர்க்ஸ் மற்றும் பின்புறத்தில் டுவின் ஷாக் அப்சார்பர்கள் வழங்கப்பட்டுள்ளன, இது பயணத்தை மிருதுவாக மாற்றுகிறது. மொத்தத்தில், இந்த புதிய டிவிஎஸ் ரேடியான் ஆல்-பிளாக் வேரியண்ட்  பயண அனுபவத்தையும், பைக்கின் அழகையும் மேலும் உயர்த்தும் என்பதில் சந்தேகமில்லை.