பிரான்ஸ் நாட்டின் மார்சே நகரில் ரஷிய தூதரகம் ஒன்றில் திடீர் குண்டுவெடிப்பு தாக்குதல் இடம்பெற்றுள்ளது. இதனை தொடர்ந்த ஏறக்குறைய 30-க்கும் தீயணைப்பு வீரர்கள் தீயணைப்பு நடவடிக்கையில் ஈடுபட்டுள்ளதாக குறிப்பிட்டப்பட்டுள்ளது. 

இதுபற்றி டாஸ் செய்தி நிறுவனம் செய்தி வெளியிட்டுள்ளது. அதில் குறிப்பிடப்பட்டுள்ளதாவது, தூதரக பூந்தோட்ட பகுதியில் மர்ம நபர்கள் சிலர் 02 குண்டுகளை வீசி சென்றுள்ளதாகவும், அந்த பகுதியில், கார் ஒன்று நின்றிருந்தது. அது வேறொரு பகுதியில் இருந்து திருடப்பட்டது எனவும் கூறப்பட்டுள்ளது.

எனினும், இந்த குண்டு வெடிப்பு சம்பவத்தில் யாருக்கும் பாதிப்பு ஏற்படவில்லை எனவும் குறிப்பிடப்பட்டுள்ளது.  இதுபற்றி ரஷிய வெளியுறவு அமைச்சக செய்தி தொடர்பாளர் மரியா ஜகரோவா கூறும்போது, மார்சே நகரில் நகரில் அமைந்த ரஷிய தூதரகத்தின் மீது நடந்த குண்டுவெடிப்பு சம்பவம் பயங்கரவாத தாக்குதலின் அறிகுறிகளாகும்.

இதுபற்றி பிரான்ஸ் உடனடியாக, முழு அளவிலான விசாரணை மேற்கொள்ள வேண்டும். ரஷிய அமைப்புகளின் பாதுகாப்பை மேம்படுத்துவதற்கான நடவடிக்கைகளையும் உடனடியாக எடுக்க வேண்டும் என கூறியுள்ளார்.

இந்நிலையில், கடந்த வாரம் புதன்கிழமை, ரஷியாவின் வெளியுறவு நுண்ணறிவு பிரிவு வெளியிட்ட செய்தியில், ஐரோப்பாவில், குறிப்பிடும் படியாக ஜெர்மனி, பால்டிக் மற்றும் ஸ்கேன்டிநேவியன் நாடுகளில் உள்ள ரஷிய தூதரகங்கள் மீது பயங்கரவாத தாக்குதல்கள் நடத்துவதற்கான சாத்தியங்கள் பற்றி உக்ரைன் அதிகாரிகள் பரிசீலித்து வருகின்றனர் என குறிப்பிட்டு இருந்தனர்.

இந்நிலையில், பிரான்சில் இந்த குண்டு தாக்குதல் நடத்தப்பட்டு உள்ளது.  இதற்கான காரணம் என்ன என்றும், இதற்கு பின்புலத்தில் இருந்து செயல்பட்டவர்கள் யாரென்ற விவரம் வெளிவரவில்லை என்றும், இது குறித்து பிரான்ஸ் அதிகாரிகள் விசாரித்து வருவதாக கூறப்படுகிறது.அத்துடன், இது பயங்கரவாத தாக்குதலா? என்ற கோணத்திலும் விசாரணை நடந்து வருகிறதாக செய்திகள் குறிப்பிடுகின்றன..