இந்திய மின்சார இருசக்கர வாகன சந்தை வேகமாக வளர்ந்து கொண்டிருக்கிறது. டிவிஎஸ், ஓலா, ஹீரோ மோட்டோகார்ப், பஜாஜ் ஆட்டோ போன்ற முன்னணி ஆட்டோமொபைல் நிறுவனங்கள் தங்களது எலக்ட்ரிக் ஸ்கூட்டர்களை தொடர்ந்து அறிமுகம் செய்து போட்டியை தீவிரமாக்கி வருகின்றன. இந்த நிலையில், மார்ச் 2025-ல் எந்த நிறுவனம் அதிக எலக்ட்ரிக் ஸ்கூட்டர்களை விற்றது? என்பதை அறிய மிக முக்கியமான தரவுகள் வெளியாகியுள்ளது.

பஜாஜ் ஆட்டோவின் சேடக் எலக்ட்ரிக் ஸ்கூட்டர், மார்ச் 2025-ல் மட்டும் 34,863 யூனிட்கள் விற்பனையாகி, இந்தியாவின் மிகவும் விற்பனையான எலக்ட்ரிக் ஸ்கூட்டராக திகழ்கிறது. இது சராசரியாக ஒரு நாளுக்கு 1,124 யூனிட்கள் என்பதும் குறிப்பிடத்தக்கது.

2025 நிதியாண்டு முழுவதும், பஜாஜ் 230,761 யூனிட்கள் விற்பனை செய்து, கடந்த ஆண்டின் (106,624 யூனிட்கள்) ஒப்பிடுகையில் 116% வளர்ச்சி பெற்றுள்ளது. இதனுடன், அதன் EV சந்தைப் பங்கு 11% இலிருந்து 20% ஆக உயர்ந்துள்ளது.

இந்த வெற்றிக்குப் பின்னணி காரணங்களில் முக்கியமானது – டிசம்பர் 2024-ல் அறிமுகமான புதிய Chetak 35 Series, இது வாடிக்கையாளர்களிடையே பெரிய வரவேற்பை பெற்றது.

டிவிஎஸ் மோட்டார் நிறுவனத்தின் iQube ஸ்கூட்டர், மார்ச் 2025-ல் 30,453 யூனிட்கள் விற்பனையாகி 23% சந்தைப் பங்கு பெற்றுள்ளது.

2025 நிதியாண்டு முழுக்க, டிவிஎஸ் 237,551 இ-ஸ்கூட்டர்கள் விற்பனை செய்துள்ளது. இது கடந்த நிதியாண்டின் (183,189 யூனிட்கள்) ஒப்பிடுகையில் 30% ஆண்டு வளர்ச்சி என்பதையும் குறிக்கிறது. இப்போது, டிவிஎஸ் மின்சார வாகனத் துறையில் 21% சந்தைப் பங்குடன் முக்கிய போட்டியாளராக திகழ்கிறது.

முன்னர் தொடர்ந்து மூன்று ஆண்டுகள் முதல் இடத்தில் இருந்த Ola Electric, மார்ச் 2025-ல் 23,430 யூனிட்கள் மட்டுமே விற்று, 18% சந்தைப் பங்கை பதிவு செய்துள்ளது. பிப்ரவரி 2025-ல் நான்காவது இடத்திற்கு சரிந்த ஓலா, மீண்டும் மூன்றாம் இடத்தை மீட்டுள்ளது என்பது குறிப்பிடத்தக்கது.

முக்கிய பிராடக்ட் வரிசைகளை கொண்டுள்ள Ather Energy, மார்ச் மாதத்தில் 15,446 ஸ்கூட்டர்கள் விற்று 12% சந்தைப் பங்கு பெற்றுள்ளது. 2025 நிதியாண்டு முழுக்க, ஏதர் 130,913 யூனிட்கள் விற்பனை செய்துள்ளது. கடந்த ஆண்டுடன் ஒப்பிடுகையில் 20% வளர்ச்சி இருந்தாலும், அதன் சந்தைப் பங்கு 11.5% இலிருந்து 11.4% ஆக சற்று குறைந்துள்ளது.

மிதமான முன்னேற்றத்துடன் Hero MotoCorp, மார்ச் 2025-ல் 7,977 யூனிட்கள் விற்று தனது இதுவரை சிறந்த மாதாந்திர விற்பனையை பதிவு செய்துள்ளது.

2025 நிதியாண்டு முழுக்க ஹீரோ 48,668 யூனிட்கள் விற்பனை செய்து, 2024-இன் 7,720 யூனிட்களுடன் ஒப்பிடுகையில் 175% ஆண்டு வளர்ச்சி பெற்றுள்ளது. இது ஹீரோவின் EV துறையில் தீவிர போட்டியை உருவாக்கும் தன்னம்பிக்கையை காட்டுகிறது.

இந்தியா முழுவதும் மின்சார இருசக்கர வாகனங்களுக்கான தேவை நாளுக்கு நாள் அதிகரித்து கொண்டே இருக்கிறது. புதிய தொழில்நுட்பங்கள், ஸ்டைலிஷ் டிசைன்கள், பாசிட்டிவ் வாடிக்கையாளர் விமர்சனங்கள் ஆகியவையே இந்த வளர்ச்சிக்கு ஆதாரம்.

2025 நிதியாண்டின் முடிவில், பஜாஜ், டிவிஎஸ், ஓலா, ஏதர், ஹீரோ போன்ற நிறுவனங்கள் தங்களின் விற்பனை மற்றும் சந்தைப் பங்கை வைத்து மிகப்பெரிய தாக்கத்தை ஏற்படுத்தியுள்ளன. எதிர்காலத்தில் இந்த போட்டி இன்னும் அதிகம் தீவிரமாகும் என்பது உறுதி!