மாலத்தீவு தொடர்பாக இந்தியாவுடன் சர்ச்சை இருப்பது மட்டுமல்லாமல், இஸ்ரேலுடனான அதன் உறவுகளும் நன்றாக இல்லை. இஸ்ரேலிய குடிமக்களின் பாஸ்போர்ட்டுகளை மாலத்தீவு தடை செய்ததைத் தொடர்ந்து, இஸ்ரேலிய அரசாங்கம் மாலத்தீவுக்குச் செல்வதற்குப் பதிலாக கோவா மற்றும் லட்சத்தீவு வழியாக விடுமுறை நாட்களைக் கழிக்குமாறு குடிமக்களுக்கு அறிவுறுத்தியுள்ளது. 

மாலத்தீவுக்கு செல்வதை தவிர்க்குமாறு இஸ்ரேல் அரசு தனது குடிமக்களுக்கு அறிவுரை கூறி உள்ளது. இது மட்டுமல்லாமல் தற்போது மாலத்தீவுக்கு சென்றவர்கள் உடனடியாக நாடு திரும்புமாறு அறிவுறுத்தப்பட்டுள்ளனர். மாலத்தீவு இஸ்ரேலிய பிரஜைகளின் வருகைக்கு தடை விதித்துள்ள நிலையில், சமூக ஊடகங்களில் பதிவிட்டு இஸ்ரேலிய தூதரகம் இந்த ஆலோசனையை வழங்கியுள்ளது.

இஸ்ரேல் மற்றும் ஹமாஸ் இடையிலான போரின் சமயத்தின் போது, ​​மாலத்தீவின் முய்சு அரசு பாஸ்போர்ட் விதிகளை மாற்றி, இஸ்ரேலிய குடிமக்கள் மாலத்தீவுக்கு வர தடை விதித்தது. இஸ்ரேலிய குடிமக்கள் இனி மாலத்தீவுக்கு செல்ல முடியாது. இஸ்ரேல் மற்றும் காஸா தாக்குதல்களை கருத்தில் கொண்டு மாலைதீவு அரசாங்கம் இந்த முடிவை எடுத்துள்ளது.

இந்தியாவில் லட்சத்தீவு மற்றும் கோவா கடற்கரைகளில் விடுமுறை நாட்களைக் கழிக்க இஸ்ரேல் அறிவுறுத்தியுள்ளது. இதுமட்டுமின்றி, இஸ்ரேலிய அரசு லட்சத்தீவுகளின் பல புகைப்படங்களையும் தனது சமூக ஊடக கணக்கில் பகிர்ந்துள்ளது.