தெற்கு காஸா நகரமான ரபாவில் ஹமாஸ் போராளிகளுக்கு எதிராக இஸ்ரேல் ராணுவம் நடத்திய கடும் சண்டை கிட்டத்தட்ட முடிவுக்கு வந்துவிட்டதாக இஸ்ரேல் பிரதமர் பெஞ்சமின் நெதன்யாகு நேற்று தெரிவித்தார். ஹமாஸுக்கு எதிரான தீவிரமான சண்டை முடிவுக்கு வரவுள்ளது என அவர் தெரிவித்துள்ளார்.

போர் முடிவுக்கு வரப்போகிறது என்று அர்த்தம் இல்லை, ஆனால் அதன் தீவிர கட்டத்தில் போர் ரபாவில் முடிவடைகிறது. தீவிரமான இந்த போர் கட்டத்திற்குப் பிறகு, சில படைகளை வடக்கே மீண்டும் நிலைநிறுத்த முடியும், நாங்கள் அதைச் செய்வோம். முதன்மையாக தற்காப்பு நோக்கங்களுக்காக ஆனால் இடம்பெயர்ந்த குடியிருப்பாளர்களை வீட்டிற்கு அழைத்து வரவும் என நெதன்யாகு தெரிவித்துள்ளார்.

காசாவில் இன்னும் சில பணயக்கைதிகள் திரும்புவதற்கு வசதியாக இருக்கும் ஒரு பகுதி உடன்படிக்கைக்கு தான் திறந்திருப்பதாகவும் மேலும் காசாவில் போருக்கு முற்றுப்புள்ளி வைக்கும் எந்த ஒப்பந்தத்திற்கும் தான் உடன்படப்போவதில்லை என்று நெதன்யாகு தெரிவித்தார்.

கடத்தப்பட்டவர்களை திருப்பி அனுப்புவதும், காசாவில் உள்ள ஹமாஸ் ஆட்சியை வேரோடு பிடுங்குவதும் இலக்கு என தெரிவித்தார், ஹமாஸை முற்றிலுமாக ஒழிக்க வேண்டும் என்ற இஸ்ரேலின் இலக்கு குறித்து அமெரிக்க அதிகாரிகள் கேள்விகளை எழுப்பியுள்ளனர். 

 இது குறித்து ஹமாஸை காணாமல் ஆக்கப் போகிறோம் என்று கூறுவது மக்களின் கண்களில் மணல் அள்ளுவதாகும் என்று இஸ்ரேலின் உயர்மட்ட இராணுவ செய்தித் தொடர்பாளர் ரியர் அட்மிரல் தெரிவித்தார். ஹமாஸ் ஒரு சித்தாந்தம் என்றும், ஒரு சித்தாந்தத்தை நம்மால் அகற்ற முடியாது என்றும் அவர் தெரிவித்தார்.