உக்ரைன் கார்கீவ் பகுதியில் ரஷ்ய படைகள் தொடர்ந்து ஏவுகணை தாக்குதல்.!

உக்ரைன் கார்கீவ் பகுதியில் ரஷ்ய படைகள் தொடர்ந்து ஏவுகணை தாக்குதல் நடத்தியுள்ளது.

ரஷ்யா உக்ரைன் இடையே கடந்த பிப்ரவரி மாதம் முதல் தொடர்ந்து போர் நடைபெற்று வருகிறது. இப்போரில் உக்ரைனில் ஆயிரம் கணக்கான வீரர்கள் மற்றும் பொதுமக்கள் உயிரிழந்து உள்ளனர்.

மேலும் உக்ரைன்‌ மீது ரஷ்ய படைகள் நாளுக்கு நாள் தீவிரமாக போர் தொடுத்து வருகின்றது.

இந்நிலையில் உக்ரைனின் சில பகுதிகளை கைப்பற்றியுள்ள ரஷ்ய படைகள், கிழக்கு பகுதியில் உள்ள கார்கீவ் நகரில் ஏவுகணை தாக்குதல் நடத்தியுள்ளது. இதில் பள்ளிக்கூடம் இடிந்து சேதமாகி உள்ளது.

இதுகுறித்து தகவல் அறிந்து சென்ற மீட்பு குழுவினர் மூன்று உடல்களை அங்கிருந்து கைப்பற்றியுள்ளனர். இதையடுத்து 23 பேர் காயமடைந்த நிலையில், சிகிச்சைக்காக அனுமதிக்கப்பட்டுள்ளனர் என்று மீட்பு குழு தெரிவித்துள்ளது.

மேலும் ரஷ்ய ராணுவம் தொடர்ந்து பள்ளிக்கூடம், மருத்துவமனை உள்ளிட்ட இடங்களில் தாக்குதல் நடத்தி வருவதாக உக்ரைன் பாதுகாப்புதுறை தெரிவித்துள்ளது.