ஐரோப்பிய நாடான ஐஸ்லாந்தில் பிரதமர் கிறிஸ்ட்ரூன் ப்ரோஸ்டாட்டிர் தலைமையிலான ஆட்சி நடைபெறுகிறது. இவரது அமைச்சரவையில் ஆஸ்தில்டர் லோவா தோர்ஸ்டாட்டிர் (58 வயது) என்பவர் குழந்தைகள் நலத்துறை அமைச்சராக இருந்தவர். 

சமீபத்தில் நடந்த ஒரு பத்திரிகையாளர் சந்திப்பில் தனது இள வயது அனுபவங்கள் குறித்து ஆஸ்தில்டர் லோவா பேசியிருந்தார். அப்போது அவருடைய 22-வது வயதில், 16 வயது மாணவர் ஒருவருடன் உடலுறவு வைத்து குழந்தை பெற்றுக்கொண்டதாக கூறி அதிர்ச்சியடைய வைத்தார்.

இவ்வாறு இவர் பேசிய  வீடியோ இணையத்தில் வைரலாகி அந்நாட்டில் கடும் கண்டனங்களும், எதிர்ப்புகளும் கிளம்பின.  இதனால் ஆஸ்தில்டர் வகித்து வந்த குழந்தைகள் நலத்துறை அமைச்சர் பதவிக்கு நெருக்கடி வந்தது. இந்நிலையில் குறித்த சர்ச்சை தொடர்பாக பிரதமர் கிறிஸ்ட்ரூன், நேற்று முன் தினம் இரவு ஆஸ்தில்டரை அலுவலகத்துக்கு வரழைத்து பேசியுள்ளார். அப்போது  ஆஸ்தில்டர் லோவா தோர்ஸ்டாட்டிர் தனது அமைச்சர் பதவியை நேற்று ராஜினாமா செய்துள்ளமை குறிப்பிடத்தக்கது.

தனது ராஜினாமாவுக்கு பின் பேசிய ஆஸ்தில்டர் லோவா "அது நடந்து 36 வருடங்கள் கடந்து விட்டன, இப்போது நிறைய விஷயங்கள் மாறிவிட்டன. இன்று இந்தப் பிரச்சினைகளை நான் நிச்சயமாக வித்தியாசமாகக் கையாண்டிருப்பேன். அப்போது அதற்கான முதிர்ச்சி என்னிடம் இல்லை" என்று கூறியுள்ளார்.

இந்நிலையில், இது ஒரு தீவிரமான விஷயம் என ஐஸ்லாந்தின் பிரதமர் கிறிஸ்ட்ரூன் ப்ரோஸ்டாட்டிர் கூறியுள்ளதோடு,  இது மிகவும் தனிப்பட்ட விஷயம், சம்பந்தப்பட்ட நபருக்கு மரியாதை அளிக்கும் விதமாக, இந்த விஷயத்தில் நான் மேலும் எந்த கருத்தையும் தெரிவிக்க மாட்டேன் என்று தெரிவித்துள்ளார்.