தென்னாபிரிக்காவில் பயங்கரவாத தாக்குதல் நடத்தப்படலாம் - அமெரிக்கா எச்சரிக்கை

தென்னாப்பிரிக்காவின் மிகப்பெரிய நகரமான ஜோகன்னஸ்பர்க்கின் நிதி மையமான சாண்டன் நகரில் வார இறுதியில் பயங்கரவாத தாக்குதல் நடத்தப்படலாம் என்று அமெரிக்கா எச்சரித்துள்ளது.

ஜோகன்னஸ்பர்க்கின் பணக்கார உயர்தர கடைகள் மற்றும் உயரமான வணிக அலுவலக கோபுரங்கள் மற்றும் வங்கிகள் உள்ள நகரமான சாண்டனில் மக்கள் அதிகமாக கூடும் இடத்தை குறிவைத்து பயங்கரவாதிகள் தாக்குதல் நடத்த திட்டமிட்டுள்ளதாக அமெரிக்க அரசுக்கு தகவல் கிடைத்துள்ளது என்று அமெரிக்க தூதரகம் தெரிவித்துள்ளது.

மேலும் தாக்குதலின் நேரம், முறை அல்லது இலக்கு குறித்து மேலதிக தகவல்கள் எதுவும் இல்லை என்றும், 29 மற்றும் 30 ஆகிய வார இறுதியில் பெரிய சான்டன் பகுதியில் மக்கள் கூட்டம் மற்றும் பிற பெரிய பொதுக் கூட்டங்களைத் தவிர்க்குமாறு அறிவுறுத்தியுள்ளது.