தொடர்ந்து குறையும் தங்கம் விலை - சவரனுக்கு எவ்வளவு தெரியுமா?
25 07 2024 today gold and silvar price
நேற்று முன்தினம் நிதி அமைச்சர் நிர்மலா சீதாராமன் நாடாளுமன்றத்தில் நடப்பு நிதியாண்டுக்கான மத்திய பட்ஜெட்டை தாக்கல் செய்தார். இந்த பட்ஜெட்டில் தங்கம் மற்றும் வெள்ளி மீதான சுங்க வரி 15 சதவீதத்தில் இருந்து 6 சதவீதமாக குறைக்கப்பட்டது.
இந்த வரி குறைப்பினால், தங்கம் விலை கடந்த இரண்டு தினங்களாக குறைந்த நிலையில் மூன்றாவது நாளாக இன்றும் விலை குறைந்தது. நேற்று சென்னையில் ஆபரணத் தங்கம் சவரனுக்கு ரூ.480 குறைந்து ஒரு சவரன் ரூ.51,920-க்கும் கிராமுக்கு ரூ.60 குறைந்து ஒரு கிராம் ரூ6,490-க்கும் விற்பனை செய்யப்பட்டது.
![](https://img.seithipunal.com/media/goldddd-hjh3c.png)
இன்று தங்கம் விலை சவரனுக்கு ரூ.480 குறைந்து ரூ.51,440-க்கும் கிராமுக்கு ரூ.60 குறைந்து ஒரு கிராம் ரூ6,430-க்கும் விற்பனை செய்யப்படுகிறது.
இதேபோல், வெள்ளி விலையும் குறைந்துள்ளது. அதாவது, வெள்ளி கிராமுக்கு 3 ரூபாய் குறைந்து ஒரு கிராம் 89 ரூபாய்க்கும் கிலோவுக்கு ரூ.3000 குறைந்து பார் வெள்ளி ரூ.89ஆயிரத்துக்கு விற்பனை செய்யப்படுகிறது.
மத்திய அரசு தங்கம் மீதான சுங்க வரியைக் குறைத்தப் பிறகு தங்கம் விலை கடந்த 3 நாட்களில் சவரனுக்கு ரூ.3160 குறைந்துள்ளது குறிப்பிடத்தக்கது.
English Summary
25 07 2024 today gold and silvar price