இந்த முறையில் மின்சார களத்தில் அதிரடியாக அதிக தூரம் போகும் டாடா நானோ எலக்ட்ரிக் கார்.. எப்போது கிடைக்கும்?முழு விவரம்!

ஒரு காலத்தில் இந்தியாவின் மிகக்குறைந்த விலை கொண்ட கார் என்ற பெயரை பெற்ற டாடா நானோ, இப்போது புதிய அவதாரத்தில் திரும்ப வருகிறது. மின்சார வாகனமாக மீண்டும் சந்தைக்கு வர இருக்கும் நானோ, சுற்றுச்சூழலுக்கு ஏற்ற புதிய தலைமுறை டெக்னாலஜியுடன் உருவாக்கப்படுகிறது.

தற்போதைய தகவலின்படி, ஒரு முறை சார்ஜ் செய்தால் சுமார் 200 கிமீ வரை பயணிக்கக்கூடிய திறன் கொண்ட இந்த நானோ, நகர்புற பயணத்துக்கு ஏற்றதாக இருக்கும். சிறிய மின்மோட்டார், மேம்பட்ட கேபின் வசதிகள், அடிப்படை அம்சங்களில் புதுப்பிப்பு போன்றவை இதில் இடம்பெற உள்ளன.

டாடா மோட்டார்ஸ், டியாகோ EV, டிகோர் EV, நெக்ஸான் EV போன்ற பிரபல மின்சார மாடல்களுடன் இந்தியாவின் EV சந்தையில் முன்னணியில் இருக்கிறது. இந்நிலையில், நானோ EV குறைந்த விலையில் அறிமுகமாகினால், அது மீண்டும் ஒரு குறைந்த செலவிலான கார் புரட்சியை ஏற்படுத்தும் என வட்டாரங்கள் தெரிவிக்கின்றன.

அதிகாரப்பூர்வ அறிவிப்பு, விலை மற்றும் வெளியீட்டு தேதி ஆகியவை விரைவில் வெளியாகும் என எதிர்பார்க்கப்படுகிறது.