2022ஆம் வருடமானது மகர ராசி அன்பர்களுக்கு மனதில் புதுவிதமான தன்னம்பிக்கையும், நுட்பமான செயல்பாடுகளின் மூலம் பலரின் கவனத்தையும் ஈர்க்கக்கூடிய ஒரு சாதகமான வாய்ப்புகளை உருவாக்கும் காலமாக அமையும். புதிய முயற்சிகளில் இழுபறியான சூழ்நிலைகள் காணப்பட்டாலும், விடாமுயற்சியுடன் செயல்படுவதன் மூலம் எதிர்பார்த்த முடிவினையும் பெற இயலும்.

பொருளாதாரம் :

பொருளாதாரத்தில் ஏற்ற, இறக்கமான சூழ்நிலைகள் காணப்படும். செலவுகளின் தன்மைகளை அறிந்து செயல்படுவதன் மூலம் சேமிப்புகளை மேம்படுத்த இயலும். சில நேரங்களில் வரவுக்கேற்ற செலவுகளும் சமமாக இருக்கும்.

பெண்களுக்கு : 

பெண்களுக்கு எதிர்பாராத சில செலவுகளின் மூலம் தனவரவில் ஏற்ற, இறக்கமான சூழ்நிலைகள் காணப்படும். உடல் ஆரோக்கியத்தில் இன்னல்கள் குறையும். வித்தியாசமான சிந்தனைகளின் மூலம் புதுவிதமான சூழல் உண்டாகும்.

மாணவர்களுக்கு : 

மாணவர்களுக்கு கல்வியில் நல்ல முன்னேற்றமான வாய்ப்புகள் கிடைக்கும். உடற்பயிற்சி சார்ந்த துறைகளில் ஆர்வம் அதிகரிக்கும். போட்டித் தேர்வுகளில் பங்கு பெற்று எண்ணிய இலக்கை அடைவதற்கான வாய்ப்புகள் உண்டாகும்.

உத்தியோகஸ்தர்களுக்கு : 

உத்தியோக பணிகளில் மதிப்பும், மரியாதையும் அதிகரிக்கும். இடமாற்றம் தொடர்பான முயற்சிகள் கைகூடும். வாகனம் தொடர்பான பழுதுகள் அவ்வப்போது ஏற்பட்டு விரயங்கள் உண்டாகும். இன்பச் சுற்றுலா தொடர்பான சிந்தனைகள் மனதில் அதிகரிக்கும்.

வியாபாரிகளுக்கு : 

வியாபார பணிகளில் சற்று நிதானத்துடன் செயல்பட வேண்டும். வாடிக்கையாளர்களிடம் தேவையற்ற வாதங்களையும், கருத்துக்களையும் பகிர்வதை குறைத்துக் கொள்வது நல்லது. வாடிக்கையாளர்களின் எண்ணங்களை புரிந்து அதற்கு தகுந்தாற்போல் செயல்படுவீர்கள்.

அரசியல்வாதிகளுக்கு : 

அரசியல் சார்ந்த பணிகளில் இருப்பவர்கள் வாக்குறுதிகளை அளிக்கும் பொழுது சூழ்நிலைகளை அறிந்து செயல்படுதல் நன்மையை ஏற்படுத்தும். வேகத்தை விட விவேகம் பலவிதங்களில் உங்களுக்கு முன்னேற்றத்தை உருவாக்கும்.

கலைஞர்களுக்கு : 

கலை சார்ந்த துறைகளில் இருப்பவர்கள் நுணுக்கமான சில விஷயங்களை ஆராய்ந்து வெளிப்படுத்துவீர்கள். செய்கின்ற புதிய முயற்சிகளில் எதிர்பார்த்த பலன்கள் கிடைக்கப் பெறுவீர்கள். சிறு தூரப் பயணங்களின் மூலம் மாற்றங்கள் உண்டாகும்.

நன்மைகள் :

புதிய வேலை தொடர்பான செயல்பாடுகளில் இருந்துவந்த தடை, தாமதங்கள் விலகி உயர் பொறுப்புகளில் இருப்பவர்களின் அறிமுகத்தால் மேன்மையை ஏற்படுத்தக்கூடிய காலக்கட்டமாக இந்த புத்தாண்டு அமையும்.

கவனம் :

புதிய முயற்சிகளில் தகுந்த ஆலோசனைகளை பெற்று, நெருக்கமானவர்களிடம் தேவையற்ற விவாதங்களை தவிர்ப்பதும், தொழில் சார்ந்த துறையில் அனுசரித்து செல்வதில் கவனமும் வேண்டும்.

வழிபாடு :

திங்கட்கிழமைதோறும் துர்க்கை அம்மனை வழிபாடு செய்துவர எண்ணங்களில் இருந்துவந்த பலவிதமான குழப்பங்கள் நீங்கி தெளிவு பிறக்கும்.