இஸ்ரோ நிலவுக்கு அனுப்பியுள்ள சந்திரயான் 3-ன் விக்ரம் லேண்டர் நிலவில் தரையிறங்க உள்ள நிலையில், பல்வேறு திரை கலைஞர்களும் வாழ்த்துக்களை தெரிவித்து வருகின்றனர்.

சந்திரயான்-3 மிஷனின்படி நிலவின் தென் துருவம் அருகே இன்று மாலை 6.04 மணிக்கு  விக்ரம் லேண்டர் தரையிறங்க உள்ளது. 

பின்னர் விக்ரம் லேண்டரிலிருந்து பிரிந்து 'பிரக்யான் ரோவர்' நிலவின் பரப்பில் ஆய்வு மேற்கொள்ள உள்ளது. 

Chandrayaan-3 Mission:
All set to initiate the Automatic Landing Sequence (ALS).
Awaiting the arrival of Lander Module (LM) at the designated point, around 17:44 Hrs. IST.

Upon receiving the ALS command, the LM activates the throttleable engines for powered descent.
The… pic.twitter.com/x59DskcKUV

— ISRO (@isro) August 23, 2023

இன்னும் சற்று நேரத்தில் (5.44) இதற்கான பணிகள் தொடங்க உள்ள நிலையில், சந்திரயான் -3 மிஷன் வெற்றிபெற திரைத்துறையைச் சேர்ந்த பிரபலங்கள் வாழ்த்து தெரிவித்துள்ளனர். 

கர்நாடகாவை சேர்ந்த நடிகரும் இயக்குநருமான ரிஷப் ஷெட்டி விடுத்துள்ள வாழ்த்துச் செய்தியில், நம் நாட்டின் முக்கியமான மைல்கல் இது. இந்த வரலாற்றைக் காண ஆவலுடன் இருக்கிறேன். விக்ரம் லேண்டர் பாதுகாப்பாக தரையிறங்க பிரார்த்திப்போம் என்று தெரிவித்துள்ளார்.

தமிழ் நடிகர் மாதவன் விடுத்துள்ள வாழ்த்துச் செய்தியில், சந்திரயான்- 3 மிஷன் நிச்சயம் வெற்றிபெறும். நான் சொல்வதை குறித்துக்கொள்ளுங்கள். 

இஸ்ரோவுக்கு அட்வான்ஸ் வாழ்த்துகள். நான் மிகவும் மகிழ்ச்சியாகவும், பெருமையாகவும் உணர்கிறேன். நம்பி நாராயணனுக்கும் வாழ்த்துகள்” என்று நடிகர் மாதவன் தெரிவித்துள்ளார்.

இதுபோல் தெலுங்கு நடிகை லாவண்யா திரிபாதி மற்றும் நடிகை பார்வதி ஆகியோரும் தங்களது வாழ்த்துக்களை தெரிவித்துள்ளனர்.