இயக்குனர் அட்லி இயக்கத்தில் ஷாருக்கான் நடிக்கின்ற திரைப்படம் தான் ஜாவான். இந்த திரைப்படத்தில் நயன்தாரா, விஜய் சேதுபதி, பிரியாமணி, யோகி பாபு உள்ளிட்ட முக்கிய பிரபலங்கள் நடிக்கின்றனர். இந்த திரைப்படம் ஷாருக்கான் தயாரித்து நடிக்கும் திரைப்படமாகும்.

இதற்கு அனிருத் இசையமைக்கும் நிலையில் படத்தின் படப்பிடிப்பு தற்போது விறுவிறுப்பாக நடைபெற்று வருகிறது. லேடி சூப்பர் ஸ்டார் நயன்தாரா முதல் முறையாக பாலிவுட் படத்தில் நடிக்கிறார். இதில் ஷாருக்கான் இரட்டை கதாபாத்திரத்தில் நடிக்க இருப்பதாக கூறப்படுகிறது. நடிகை நயன்தாரா விசாரணை அதிகாரியாக நடிக்க இருக்கிறாராம்.

இந்த திரைப்படம் வரும் ஜூன் இரண்டாம் தேதி திரையரங்குகளில் வெளியாகும் என்று ஏற்கனவே படக்குழு அறிவித்திருந்தது. தெலுங்கு, மலையாளம், கன்னடம், தமிழ், ஹிந்தி உள்ளிட்ட ஐந்து மொழிகளில் இந்த படம் வெளியாக இருக்கிறது. நடிகர் விஜய் இந்த திரைப்படத்தில் நடிக்க இருப்பதாக பல்வேறு தகவல்கள் இணையத்தில் பகிரப்பட்டு வந்தது.

இந்த நிலையில், தற்போது நடிகர் ஷாருக்கான் மற்றும் விஜய் இருவரும் ஜாவான் படப்பிடிப்பில் கலந்து கொள்வதாக கூறி ஒரு புகைப்படம் சமூக வலைதளங்களில் வைரலாகி வருகிறது. ஆனால் இது குறித்து படகுழு எந்தவிதமான அதிகாரப்பூர்வ தகவலும் கொடுக்கவில்லை என்பது குறிப்பிடத்தக்கது.