லானே! தங்கலானே..! நடிகர் விக்ரம் நடித்துள்ள ‘தங்கலான்’ திரைப்படம் ரூ.100 கோடி வசூல்!

இயக்குனர் பா.ரஞ்சித் இயக்கத்தில் நடிகர் விக்ரம், மாளவிகா மோகனன், பசுபதி மற்றும் பலர் நடிப்பில் வெளியான ‘தங்கலான்’ திரைப்படம் உலகம் முழுவதும் ரூ.100 கோடியை வசூலித்துள்ளதாக தகவல் வெளியாகியுள்ளது.

நடிகர் விக்ரம் முன்னதாக இந்த படத்தின் வெற்றியை கொண்டாடும் வகையில், தங்கலான் படக்குழுவினருக்கு விருந்து வைத்தார் என்பதும் குறிப்பிடத்தக்கது.

இந்நிலையில், ஸ்டுடியோ கிரீன் பிலிம்ஸ் சார்பில் ஞானவேல் ராஜா தயாரிப்பில் பா.ரஞ்சித் இயக்கி வெளியான திரைப்படம் ‘தங்கலான்’. இந்தப் படத்தில் நடிகர் விக்ரம், பார்வதி, மாளவிகா மோகனன், பசுபதி, டேனியல் கால்டாகிரோன் உள்ளிட்ட பலர் நடித்துள்ளனர். இப்படத்துக்கு ஜி.வி.பிரகாஷ் குமார் இசையமைத்துள்ளார்.

இந்த திரைப்படம் கடந்த நூற்றாண்டுகளில் வாழ்ந்த ஒடுக்கப்பட்ட மக்களின் வாழ்வியலையும், ஆதிக்கத்திற்கு கட்டுப்பட்டு உரிமைகளுக்காக போராடிய அவர்களின் போராட்ட வாழ்வியலை மையமாக கொண்டு மாய யதார்த்த திரை மொழியால் வெளிப்படுத்தியிருந்தது.

கடந்த ஆகஸ்ட் 15-ம் தேதி திரையரங்குகளில் வெளியான இப்படம் முதல் நாளில் ரூ.26 கோடிக்கும் அதிகமான வசூலை ஈட்டியது. இந்நிலையில் படம் உலகம் முழுவதும் ரூ.100 கோடியை வசூலித்துள்ளதாக அதிகாரபூர்வமாக அறிவிக்கப்பட்டுள்ளது.