பிக் பாஸ் வீட்டில் இருந்து தப்பிக்க முயன்ற போட்டியாளர்! நடந்தது என்ன?

பிக் பாஸ் போட்டியாளர் கூல் சுரேஷ், பிக் பாஸ் வீட்டில் இருந்து சுவர் ஏறி தப்பிக்க முயன்ற வீடியோ தற்போது சமூக வலைதளங்களில் வைரலாகி வருகிறது.

விஜய் தொலைக்காட்சியில் ஒளிபரப்பாகி வரும் பிக் பாஸ் சீசன் 7 நிகழ்ச்சி 18 போட்டியாளர்கள் கலந்து கொண்டனர். இதுவரை பிக் பாஸ் வீட்டை விட்டு 12 பேர் வெளியேற்றப்பட்டுள்ளனர்.

வெளியேற்றப்பட்ட போட்டியாளர்களின் 2 மீண்டும் பிக் பாஸ் வீட்டிற்குள் நுழைந்துள்ளனர். சில நாட்களாகவே கூல் சுரேஷ் வீட்டு ஞாபகமாக உள்ளது வீட்டில் சொல்லாமல் வந்துவிட்டேன் என புலம்பிக் கொண்டிருந்தார்.

இதனால் சக போட்டியாளர்களை தன்னை நாமினேட் செய்யும்படி கேட்டுக் கொண்டார். இந்நிலையில் பிக் பாஸ் வீட்டில் இருந்து வெளியேற கூல் சுரேஷ் சுவர் ஏறி குதிக்க முயற்சி செய்தபோது சக போட்டியாளர் பார்த்து அவரை தடுத்து நிறுத்தி உள்ளார்.

இதற்கு பிக் பாஸ், எதற்காக இப்படி செய்தீர்கள் என கூல் சுரேஷிடம் கேட்டுள்ளார். பின்னர் நன்றாக விளையாடி வெற்றியுடன் வீடு திரும்ப வேண்டும் எனவும் ஆலோசனை தெரிவித்துள்ளார்.

கூல் சுரேஷ் பிக் பாஸ் வீட்டிலிருந்து வெளியேற முயற்சிக்கும் வீடியோ தற்போது சமூக வலைதளங்களில் வைரலாகி வருகிறது.