இயக்குநர் நெல்சனின் சம்பளம் எவ்வளவு தெரியுமா?
director Nelson salary
'கோலமாவு கோகிலா' என்ற படத்தின் மூலம் இயக்குனராக அறிமுகமானவர் நெல்சன். நடிகை நயன்தாரா நடிப்பில் உருவான இந்த படம் மாபெரும் வெற்றியை பெற்றது.
இதனைத் தொடர்ந்து இயக்குனர் நெல்சன் சிவகார்த்திகேயனை வைத்து 'டாக்டர்' என்ற திரைப்படத்தை இயக்கினார்.
இந்த படமும் ரசிகர்கள் இடையே நல்ல வரவேற்பை பெற்றது. மேலும் ரூ. 100 கோடியை கோடிக்கும் மேல் வசூலித்தது. இதன் பிறகு நெல்சன் நடிகர் விஜயுடன் இணைந்து 'பீஸ்ட்' திரைப்படத்தை இயற்றினார்.
ஆனால் இந்த திரைப்படம் கடுமையான விமர்சனங்களை பெற்றதுடன் ரசிகர்களின் கிண்டலுக்கு நெல்சன் ஆளாக்கப்பட்டார்.
தற்போது நடிகர் ரஜினிகாந்தை வைத்து நெல்சன் இயக்கிய 'ஜெயிலர்' திரைப்படம் சுமார் ரூ. 600 கோடிக்கும் மேல் வசூலித்து மிகப்பெரிய வெற்றி படமாக உருவாகியுள்ளது.
இந்த படத்திற்காக நெல்சன் ரூ. 22 கோடி சம்பளமாக பெற்றார் என தெரிவிக்கப்படுகிறது. இந்நிலையில் நெல்சனை வைத்து சன் பிக்ச்சர் நிறுவனம் அடுத்த படத்தை இயக்க உள்ளதாகவும் அதற்காக இயக்குனர் நெல்சனுக்கு ரூ. 55 கோடி சம்பளம் கொடுக்கவும் அந்த நிறுவனம் திட்டமிட்டு உள்ளதாக தகவல் வெளியாகி உள்ளது.
'ஜெயிலர்' திரைப்படத்திற்கு பின்பு இயக்குனர் நெல்சனின் சம்பளம் அதிகரித்துள்ளது என்பது குறிப்பிடத்தக்கது.