2012ம் ஆண்டு வெளிவந்த பீட்சா படத்தின் மூலம் இயக்குனராக அறிமுகமானவர் கார்த்திக் சுப்புராஜ். தொடர்ந்து ஜிகர்தண்டா, இறைவி, மெர்குரி, பேட்ட, ஜகமே தந்திரம், ஜிகர்தண்டா டபுள் எக்ஸ் உள்ளிட்ட படங்களை இயக்கி தமிழ் சினிமாவின் முக்கிய இயக்குநர்களில் ஒருவராக இருக்கிறார்.

இந்நிலையில் நடிகர் சூர்யாவின் 44 வது படத்தை கார்த்திக் சுப்புராஜ் இயக்குகிறார். இது ஒரு அதிரடி திரில்லர் படம் என்ற தகவல் வெளியாகியுள்ளது. மேலும் சந்தோஷ் நாராயண் இசையமைக்கும் இப்படத்தை சூர்யாவின் 2டி மற்றும் கார்த்திக் சுப்புராஜின் ஸ்டோன்பெஞ்ச் நிறுவனங்கள் இணைந்து தயாரிக்கின்றன. 

இப்படத்தின் படப்பிடிப்பு ஜூன் மாதம் தொடங்கும் என்று அறிவிக்கப்பட்டது. இதையடுத்து இப்படத்தின் முதற்கட்ட படப்பிடிப்பு அந்தமானில் நடைபெற உள்ளதாகவும், மேலும் சூர்யா இப்படத்தில் இரட்டை வேடங்களில் நடிக்க உள்ளதாகவும் தகவல் வெளியாகியது.

இந்நிலையில் இப்படத்தில் பூஜா ஹெக்டே நடிக்க உள்ளதாக ஒரு புதிய போஸ்டரை வெளியிட்டு தனது எக்ஸ் தளத்தில் பதிவிட்டுள்ளார் கார்த்திக் சுப்புராஜ். இவர் மிஷ்கின் இயக்கிய முகமூடி படத்தில் ஜீவாவுக்கு ஜோடியாக அறிமுகமானவர் என்பது குறிப்பிடத்தக்கது. இதையடுத்து தமிழில் விஜய்க்கு ஜோடியாக பீஸ்ட் படத்தில் நடித்திருந்தார். இதையடுத்து தற்போது சூர்யா 44 படத்தில் நடிக்கவுள்ளார் என்று தெரிய வந்துள்ளது.