கன்னட ரசிகர்கள் மற்றுமின்றி சினிமா ரசிகர்களை ஒட்டுமொத்தமாக கவர்ந்த படம் கே ஜி எஃப். இப்படத்தின் முதல் பாகம் கடந்த 2018ஆம் ஆண்டு வெளியாகி ரசிகர்கள் மத்தியில் மாபெரும் வரவேற்பை பெற்றதையடுத்து. கே ஜி எஃப்இரண்டாம் பாகம் எப்போது வெளியாகும் என ரசிகர்கள் ஆவலுடன் காத்திருந்தனர். 

கொரோனா பெரும் தொற்று காரணமாக கே ஜி எஃப் 2-ஆம் பாகத்தில் ரிலீஸ் தேதி தள்ளிப்போனது. இதனிடையே தமிழ் புத்தாண்டை முன்னிட்டு கடந்த  14ஆம் தேதி கே ஜி எஃப்  இரண்டாம் பாகம் வெளியானது. 

இந்த படத்தை இயக்குனர் பிரசாந்த் நீல் இயக்கியுள்ளார். இந்த படத்தில் யாஷ், அதீரா, சஞ்சய் தத், ரவீனா டண்டன் மற்றும் பிரகாஷ்ராஜ் உள்ளிட்ட நடிகர்கள் முக்கிய கதாபாத்திரத்தில் நடித்துள்ளனர். தமிழ், தெலுங்கு, கன்னடம், மலையாளம், இந்தி உள்ளிட்ட மொழிகளில் உலகம் முழுவதும் கே ஜி எஃப் 2-ஆம் பாகம் வெளியானது. 

கே ஜி எஃப் இரண்டாம் பாகம் வசூலை அள்ளிக் குவித்து வருகிறது. வெளியான நான்கு5 நாட்களில் மட்டும் 600 கோடிக்கு மேல் வசூல் செய்து சாதனை படைத்துள்ளது. இதனால் ரசிகர்கள் இடையே 3-வது பாகம் குறித்த எதிர்பார்ப்பு அதிகரித்துள்ளது. ஆனால், கே ஜி எஃப் மூன்றாவது பாகத்திற்காக எட்டு வருடங்கள் காத்திருக்க வேண்டும் என இயக்குனர் தெரிவித்துள்ளார்.

இயக்குனர் பிரசாந்த் நீல் தற்போது பிரபாஸ் நடிக்கும் சலார் படத்தை இயக்கி வருகிறார். இப்படத்தின் படப்பிடிப்பு 30 சதவீதம் மட்டுமே முடிந்துள்ளது. இன்னும் 70 சதவீத படப்பிடிப்பு முடிந்த பிறகு, கே ஜி எஃப் மூன்றாவது பாகத்திற்கான படப்பிடிப்பு தொடங்கும் என கூறப்படுகிறது.