Lion is Always a Lion - வெளியான கோட் ட்ரெய்லர்!

நடிகர் விஜய் நடிப்பில், இயக்குனர் வெங்கட் பிரபு இயக்கத்தில் உருவாகியுள்ள கோட் திரைப்படம், அடுத்த மாதம் 5ம் தேதி திரையரங்குகளில் வெளியாகிறது.

இந்தப் படத்தில் நடிகர்கள் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர் மற்றும் நடிகைகள் சினேகா, லைலா, மீனாட்சி சவுத்ரி உள்ளிட்ட பலர் நடித்துள்ளனர். மேலும் இந்த படத்தை ஏஜிஎஸ் நிறுவனம் தயாரித்துள்ளது.

இந்த படத்தில் அப்பா - மகன் என இரட்டை வேடத்தில் விஜய் நடித்திருக்கிறார். மேலும், மகன் விஜயை ஹாலிவுட் தொழில்நுட்பத்தை பயன்படுத்தி மிகவும் இளமையானவராக வெங்கட்பிரபு காட்டியுள்ளார். மேலும் இப்படத்தின் முதல் பாடலான 'விசில் போடு' என்ற பாடல் வெளியாகி ரசிகர்களிடையே கலவையான விமர்சனங்களைப் பெற்றது.

இரண்டாவது பாடலான 'சின்ன சின்ன கண்கள்' விஜய்யின் பிறந்த நாளை முன்னிட்டு வெளியானது. இப்படத்தின் 3வது பாடலான `ஸ்பார்க்' வெளியாகி வைரலானது. இந்நிலையில் 'கோட்' படத்தின் டிரெய்லர் இன்று வெளியிடப்பட்டுள்ளது. இது தற்போது சமூக வலைத்தளங்களில் வைரலாகி வருகிறது.