விடாமுயற்சி படத்தின் அடுத்த போஸ்டர்.. .மாஸ் லுக்கில் ரெஜினா கசாண்ட்ரா...

'விடாமுயற்சி' படத்தின் புதிய போஸ்டர் தொடர்ந்து வெளியிடப்பட்டு வரும் நிலையில், தற்போது இப்படத்தின் புதிய போஸ்டர் ஒன்று வெளியாகி வைரலாகி வருகிறது.

நடிகர் அஜித், துணிவு படத்துக்குப் பிறகு நடித்து வரும் படம் விடாமுயற்சி. மகிழ் திருமேனி இயக்கத்தில் உருவாகி வரும் இப்படத்தை லைகா நிறுவனம் தயாரித்து வருகிறது. இப்படத்தில், த்ரிஷா, அர்ஜுன், ரெஜினா, ஆரவ் உட்பட பலர் நடித்துள்ளனர். மேலும் இந்த படத்திற்கு அனிருத் இசையமைத்துள்ளார்.

தமிழ், மலையாளம், தெலுங்கு, கன்னடம் ஆகிய மொழிகளில் 'விடாமுயற்சி' வெளியாகிறது. சமீபத்தில் அஜர்பைஜானில் நடந்துவந்த 'விடாமுயற்சி' படத்தின் படப்பிடிப்பு முடிந்ததாக படக்குழு தெரிவித்தது. அதனைத்தொடர்ந்து, இப்படத்தின் போஸ்டர்கள் தொடர்ந்து வெளியாகி வருகின்றன.

சமீபத்தில் அர்ஜுனின் பர்ஸ்ட் லுக் போஸ்டர் மற்றும் ஆரவின் பர்ஸ்ட் லுக் போஸ்டர் வெளியிடப்பட்டது. இந்நிலையில், விடாமுயற்சி படத்தின் புதிய போஸ்டர் ஒன்று வெளியாகியுள்ளது. இதில் நடிகை ரெஜினா கசாண்ட்ரா, அஜித் மற்றும் திரிஷா இடம் பெற்றுள்ளனர்.