சூரி நடித்துள்ள கொட்டுக்காளி திரைப்படத்தின் டிரெய்லர் வீடியோ வெளியாகி உள்ளது. நடிகர் சிவகார்த்திகேயன் பல திரைப்படங்களை தனது எஸ்கே புரோடக்சன்ஸ் நிறுவனத்தின் மூலம் தயாரித்து வருகிறார். அதன்படி சூரி நடிப்பில் உருவாகியுள்ள கொட்டுக்காளி  திரைப்படத்தை  சிவகார்த்திகேயன் தயாரித்திருக்கிறார். இந்த படத்தை கூழாங்கல் படத்தின் இயக்குனர் பி எஸ் வினோத் ராஜ் இயக்கியுள்ளார்.

இந்த படத்தில்  சூரியுடன் இணைந்து அன்னா பென் முக்கிய கதாபாத்திரத்தில் நடித்துள்ளார். சூரி இந்த படத்தில் எதிர்மறை கதாபாத்திரத்தில் நடித்துள்ளதாக கூறப்படுகிறது. அதேசமயம் இந்த படமானது ரிலீஸுக்கு முன்பே பல சர்வதேச திரைப்பட விழாக்களில் திரையிடப்பட்டு பார்வையாளர்களிடம் பாராட்டுகளை பெற்றது. இந்த படத்தின் புரோமோசன் பணிகள் தற்பொழுது நடைப்பெற்று வரும் நிலையில், இப்படத்தின் டிரெய்லரை தற்போது படக்குழுவினர் வெளியிட்டுள்ளனர்.  

இதில், நடிகர் சூரி இருசக்கர வாகனத்தில் 2 பேருடன் செல்லும் போது, அவரை போலீசார் தடுத்து நிறுத்துவதும், அப்போது தங்கள் வீட்டில் ஒருவருக்கு பேய் பிடித்து இருப்பதாக கூறும் வார்த்தைகள் இடம் பெற்றுள்ளது. மேலும் இந்த படம் மதுரை மற்றும் அதன் சுற்றுவட்டார பகுதிகளில் உள்ள கிராம மக்களின் கதையாக இருக்கும் என்று எதிர்பார்க்கப்படுகிறது. மேலும், இத்திரைப்படம், வரும் 23-ம்  தேதி திரையரங்குகளில் வெளியாக உள்ளது.