ஒரே நாளில் ரூ.12.3 கோடியை வாரி குவித்த "பத்து தல"..!!
paththu thala movie twelve crore collection per first day
தமிழ் சினிமாவில் குழந்தை நட்சத்திரமாக அறிமுகமாகி பிரபல நடிகராக வலம் வந்தவர் சிம்பு. இவர் காதல் அழிவதில்லை, கோவில், மன்மதன், சரவணா, ஈஸ்வரன் உள்ளிட்ட பல படங்களில் நடித்துள்ளார்.
தற்போது இவர் நடிப்பில் உருவான படம் பத்து தல. கடந்த 2017ம் ஆண்டு வெளியாகி, கன்னடத்தில் மிகப்பெரிய வெற்றி பெற்ற ஆக்ஷன் த்ரில்லர் திரைப்படமான ‘மஃப்டி'-யின் ரீமேக் தான் இந்த படம். இந்தப் படத்தில், சிம்பு கேங்ஸ்டராகவும், கவுதம் கார்த்திக் போலீஸ் அதிகாரியாகவும் நடித்துள்ளனர்.
ரசிகர்களின் தீவிர எதிர்பார்ப்புகளுக்கு மத்தியில் ’பத்து தல’ படம் நேற்று திரையரங்குகளில் வெளியானது. இதனை சிம்புவின் ரசிகர்கள் பட்டாசுகள் வெடித்தும், மேள தாளங்களுடனும் கொண்டாட்டத்தில் ஈடுபட்டனர்.
இந்நிலையில், "பத்து தல" படத்தின் முதல் நாள் வசூல் குறித்து படக்குழு அறிவிப்பு ஒன்றை வெளியிட்டுள்ளது. அந்த அறிவிப்பின் படி ’பத்து தல’ படம் வெளியான முதல் நாளில் ரூ.12.3 கோடி வசூலித்துள்ளது. இந்தப்படம், சிம்புவின் திரை வரலாற்றில் மிகச் சிறந்த ஓபனிங்காக கருதப்படுகிறது" என்றுத் தெரிவித்துள்ளது.
English Summary
paththu thala movie twelve crore collection per first day