மணிரத்தினம் இயக்கத்தில் உருவான பொன்னியின் செல்வன் திரைப்படத்தில் ஜெயம் ரவி, கார்த்தி, விக்ரம் முன்னணி நடிகர்கள் நடித்திருந்தார்கள். இப்படம் கடந்த ஆண்டு செப்டம்பர் மாதம் வெளியாகியது.

பெரும், எதிர்பார்ப்புக்கு நடுவில் வெளியாகிய பொன்னியின் செல்வன் படத்திற்கு பெரும் வரவேற்பு கிடைத்தது. இது வசூல் ரீதியாக பயங்கரமாக வெற்றி பெற்றது. இதுவரை 500 கோடி ரூபாய்க்கு மேல் பொன்னியின் செல்வன் வசூலித்துள்ளது.

அதனைத் தொடர்ந்து பொன்னியின் செல்வன் 2 திரைப்படம் ஏப்ரல் 28 திரையரங்குகளில் வெளியாகும் படக்குழு அதிகாரப்பூர்வமாக அறிவித்துள்ளது. இந்த நிலையில் பொன்னியின் செல்வன் படத்தின் ப்ரமோஷன் பணிகளை படக்குழு தொடங்கியுள்ளது. 

இந்த நிலையில் பொன்னியின் செல்வன் 2 படத்தின் இசை வெளியீட்டு விழா மார்ச் 29- ஆம் தேதி நேரு உள் விளையாட்டரங்கில் மிகவும் பிரமாண்டமாக நடத்த படக்குழு திட்டமிட்டுள்ளதாக கூறப்படுகிறது.

இதனையடுத்து பொன்னியின் செல்வன் 2 இசை வெளியீட்டு விழாவில் இயக்குனர் பாரதிராஜா சிறப்பு விருந்தினராக கலந்துகொள்ளவுள்ளதாக கூறப்படுகிறது. ஏற்கனவே முதல் பாகம் வெளியாகும் போது அதனுடைய இசை வெளியீட்டு விழாவில் ரஜினிகாந்தும், கமல்ஹாசனும் சிறப்பு விருந்தினராக கலந்துகொண்டனர் என்பது குறிப்பிடத்தக்கது.