லவ் டுடே திரைப்படத்தை இயக்கிய பிரதீப் ரங்கநாதனின் அடுத்த படம் குறித்த தகவல் வெளியாகியுள்ளது.

‘கோமாளி’ புகழ் பிரதீப் ரங்கநாதன் இயக்கத்தில், ஏஜிஎஸ் தயாரிப்பில் உருவாகியுள்ள திரைப்படம் லவ் டுடே.  இந்தத் திரைப்படத்தில் நாயகனாகவும் இயக்குனர் பிரதீப் ரங்கநாதன் அறிமுகமாகியுள்ளார். 

பிரதீப் ரங்கநாதனுக்கு ஜோடியாக 'நாச்சியார்' படத்தில் நடித்த இவானா நடித்துள்ளார். காதல், காமெடி, பொழுதுபோக்கு என்று 2 கிட்ஸ் விரும்பும் படமாக வந்துள்ள இந்த ‘லவ் டுடே’ திரைப்படத்தில், நடிகர் சத்யராஜ், ராதிகா சரத்குமார், யோகி பாபு உள்ளிட்டவர்களும் முக்கிய வேடங்களிலும் நடித்துள்ளனர்.

இந்த படத்திற்கு யுவன் ஷங்கர் ராஜா இசையமைத்துள்ளார். கடந்த அக்டோபர் 4ம் தேதி வெளியான திரைப்படத்திற்கு ரசிகர்களிடையே நல்ல வரவேற்பை பெற்று நல்ல வசூலை பெற்று வருகிறது. குறைந்த பட்ஜெட்டில் உருவான இந்த படம் இதுவரை இப்படம் ரூ.80 கோடிக்கும் மேல் வசூல் செய்துள்ளது.

இந்த நிலையில் இயக்குனர் பிரதீப் ரங்கநாதன் இயக்க உள்ள அடுத்த படம் குறித்த தகவல் வெளியாகியுள்ளது. அதன்படி கல்லூரி கதையம்சத்தை மையமாகக் கொண்டு உருவாகும் திரைப்படத்தில் ப்ரதீப் ரங்கநாதனே ஹீரோவாக நடிக்க உள்ளார்.

மேலும், இந்த படத்தை ஏஜிஎஸ் தயாரிப்பு நிறுவனம் தயாரிக்க யுவன் சங்கர் ராஜா இசையமைக்க உள்ளார். மேலும் இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.