கார்த்தியின் சர்தாரை கைப்பற்றிய உதயநிதியின் ரெட் ஜெயண்ட்.!

நடிகர் கார்த்தி நடிப்பில் பி.எஸ். மித்ரன் இயக்கத்தில் உருவாகின்ற படம் தான் சர்தார். இதில், நடிகர் கார்த்தி இரட்டை கதாபாத்திரத்தில் நடிக்கின்றார். குறிப்பாக, கார்த்தி ஒரு தோற்றத்தில் காவல்துறை அதிகாரியாக நடித்து வருகின்றார்.

இந்த படத்திற்கான ஷூட்டிங் தற்பொழுது நடந்து வருகின்றது. அத்துடன், இந்த திரைப்படத்தின் டிஜிட்டல் உரிமையை aha ஓ.டி.டி தளத்திற்கு விற்பனை செய்து இருக்கின்றனர்.

அதேபோல் தற்பொழுது இந்த படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயன்ட் நிறுவனம் கைப்பற்றி இருக்கின்றது. இன்று மாலை இதற்கான அறிவிப்பு வெளியாகலாம் என்று எதிர்பார்க்கப்படுகின்றது.

இந்த படத்தில் ஹீரோயினாக ராஷிகண்ணா நடித்து இருக்கின்றார். அதுபோல முதன்முறையாக பி.எஸ்.மித்ரன் இயக்குகின்ற திரைப்படத்திற்கு இசையமைப்பாளர் ஜி.வி பிரகாஷ் குமார் இசையமைத்து இருக்கின்றார். சர்தார் படத்தை வருகின்ற தீபாவளிக்கு வெளியிட தயாரிப்பு நிறுவனமான பிரின்ஸ் பிக்சர் திட்டமிட்டு இருக்கின்றது.