ரூ.100 கோடி வசூலை நெருங்கும் சமுத்திரக்கனியின் படம்!

சமுத்திரக்கனி இயக்கத்தில், பவன் கல்யாண் நடிப்பில் உருவான ''ப்ரோ'' தெலுங்கு திரைப்படம் வெளியாகி திரையரங்குகளில் தற்போது ஓடிக்கொண்டிருக்கும் நிலையில் ரூ.100 கோடி வசூலை நெருங்குவதாக தகவல் வெளியாகியுள்ளது:

கடந்த 2021-ஆம் ஆண்டு சமுத்திரக்கனி இயக்கத்தில் தம்பி ராமையா நடித்த படம் ''வினோதய சித்தம்''. இந்த படம் நேரடியாக ஓ.டி.டியில் வெளியாகி விமர்சன ரீதியாக மக்களிடையே பெரும் வரவேற்பை பெற்றது.

இப்படத்தை தற்போது சமுத்திரக்கனி தெலுங்கில் ரீமேக் செய்துள்ளார். தமன் இசையமைத்திருக்கிறார். தமிழில் சமுத்திரக்கனி நடித்த கதாபாத்திரத்தில் பவன் கல்யாண், தம்பி ராமையா கதாபாத்திரத்தில் சாய் தேஜ் ஆகியோர் நடித்துள்ளனர்.

பல்வேறு மாற்றங்களுடன் தெலுங்கு ரசிகர்களுக்காக தயாரிக்கப்பட்டுள்ள இந்த படம் கடந்த 28ஆம் தேதி திரையரங்குகளில் வெளியானது.

இப்படம் கலவையான விமர்சனங்களை பெற்று 3 நாட்களில் ரூ.87 கோடி வரை வசூலித்துள்ளதாகவும், விரைவில் ரூ.100 கோடி க்ளப்பில் இணைய உள்ளதாகவும் தகவல் வெளியாகியுள்ளது.

குறிப்பாக பவன் கல்யாணின் ரசிகர்கள் ஆந்திரா, தெலங்கானாவில் அதிகமாக உள்ளதால் படத்துக்கு வரவேற்பு அதிகரித்துள்ளது.