''சார்'' திரைப்படத்தின் டீசர் ரிலீஸ் அப்டேட்! வைரலாகும் போஸ்டர்.!
Sir Movie Teaser Release Update
போஸ் வெங்கட் இயக்கத்தில் விமல் நடிப்பில் உருவாகியுள்ள திரைப்படத்திற்கு மா.பொ.சி (மாங்கொள்ளை பொன்னரசன் சிவஞானம்) என பெயரிடப்பட்டிருந்தது. பின்னர் இந்த திரைப்படத்திற்கு ''சார்'' என பெயர் மாற்றம் செய்யப்பட்டுள்ளது.
எஸ் எஸ் எஸ் பிக்சர்ஸ் நிறுவனம் தயாரிக்கும் இந்த திரைப்படத்தை இயக்குனர் வெற்றிமாறனின் கிராஸ் ரூட் ஃபிலிம்ஸ் கம்பெனி வெளியீட்டு பொறுப்பில் இணைந்துள்ளது.
இந்நிலையில் இந்த திரைப்படத்தின் டீசர் வெளியீடு குறித்த அப்டேட் வெளியாகியுள்ளது. அதன்படி சார் திரைப்படத்தின் டீசர் வருகின்ற ஜூன் 19ஆம் தேதி மாலை 5 மணி அளவில் வெளியாக உள்ளதாக பட குழு போஸ்டர் ஒன்றை வெளியிட்டு அறிவித்துள்ளது.
இந்த போஸ்டர் தற்போது சமூக வலைதளங்களில் வைரலாகி வருகிறது. இந்த அறிவிப்பால் ரசிகர்கள் மிகுந்த உற்சாகத்தில் உள்ளனர்.
நடிகர் போஸ் வெங்கட் கன்னிமாடம் என்ற திரைப்படத்தின் மூலம் இயக்குனராக அறிமுகமானார். அந்த திரைப்படம் பெரியதாக கவனிக்கப்படவில்லை என்றாலும் சினிமா வட்டாரத்தில் பேசப்பட்டது என்பது குறிப்பிடத்தக்கது.
English Summary
Sir Movie Teaser Release Update