தமிழ் சினிமாவில் முன்னணி நடிகராக இருப்பவர் நடிகர் சூர்யா. இவர் நடிப்பில் கடைசியாக வெளியான படம் எதற்கும் துணிந்தவன். இந்த படத்தை தொடர்ந்து கமலின் விக்ரம் படத்தில் அவர் ரோலக்ஸ் கேரக்டரில் நடித்திருந்தார்.

இப்படம் மிகப்பெரிய வெற்றியைப் பெற்றதுடன் வசூலில் சாதனை படைத்தது. விக்ரம் படத்தின் அடுத்த பாகத்தில் சூர்யா நடிக்கவுள்ளது குறிப்பிடத்தக்கது. சமீபத்தில் இயக்குனர் பாலா இயக்கத்தில் நடித்து வந்த ''வணங்கான்'' படத்தில் இருந்து விலகினார். 

இதனிடையே இயக்குனர் சிறுத்தை சிவா இயக்கத்தில் சூர்யா 42 என்ற பெயரிடப்படாத திரைப்படத்தில் நடித்து வருகிறார். மேலும் இந்த திரைப்படத்தில் நடிகர் சூர்யா 13 கதாபாத்திரங்களில் நடிப்பதாக கூறப்படுகிறது. இதனிடையே சூர்யா 42 படத்தின் படப்பிடிப்பு விறு விறுப்பாக நடைபெற்று வருகிறது.

#Suriya42 💥✨💥✨🤗 https://t.co/zJmctCjSTS

— Studio Green (@StudioGreen2) March 20, 2023

இந்த நிலையில் சூர்யா 42 படத்தின் தயாரிப்பாளர்  ஞானவேல் ராஜா சமீபத்திய நேர்காணல் ஒன்றில் சூர்யா 42 படத்தின் முக்கிய அப்டேட் வெளியிட்டுள்ளார்.

அந்த வகையில் சூர்யா 42 படத்தின் அப்டேட் இன்னும் இரண்டு வாரங்களில் தலைப்புடன் கூடிய ரிலீஸ் தேதி அறிவிக்கப்படும். அதன் பின்னர் மே மாதம் டீசர் வெளியாகும் என அவர் தெரிவித்துள்ளார்.

அதன்படி வரும் ஏப்ரல் 14ஆம் தேதி சூர்யா 42 படத்தின் ப்ரோமோ வீடியோவுடன் டைட்டில் வெளியாக  வாய்ப்புள்ளதாக கூறப்படுகிறது.