தமிழ் சினிமாவில் முன்னணி நடிகராக இருப்பவர் நடிகர் சூர்யா. இவர் நடிப்பில் கடைசியாக வெளியான படம் எதற்கும் துணிந்தவன். இந்த படத்தை தொடர்ந்து கமலின் விக்ரம் படத்தில் அவர் ரோலக்ஸ் கேரக்டரில் நடித்திருந்தார்.

இப்படம் மிகப்பெரிய வெற்றியைப் பெற்றதுடன் வசூலில் சாதனை படைத்தது. விக்ரம் படத்தின் அடுத்த பாகத்தில் சூர்யா நடிக்கவுள்ளது குறிப்பிடத்தக்கது. சமீபத்தில் இயக்குனர் பாலா இயக்கத்தில் நடித்து வந்த ''வணங்கான்'' படத்தில் இருந்து விலகினார். 

இதனிடையே இயக்குனர் சிறுத்தை சிவா இயக்கத்தில் சூர்யா 42 என்ற பெயரிடப்படாத திரைப்படத்தில் நடித்து வருகிறார். மேலும் இந்த திரைப்படத்தில் நடிகர் சூர்யா 13 கதாபாத்திரங்களில் நடிப்பதாக கூறப்படுகிறது. இதனிடையே சூர்யா 42 படத்தின் படப்பிடிப்பு விறு விறுப்பாக நடைபெற்று வருகிறது.

இதனிடையே சூர்யா 42 படத்தின் டைட்டில் டீஸர் நாளை  காலை 9.05 மணிக்கு வெளியாகும் என படக்குழு அதிகாரப்பூர்வமாக அறிவித்துள்ளது.

இந்த நிலையில் சூர்யா 42 படத்தின் டைட்டில் குறித்த தகவல் புகைப்படம் சமூக வலைதளங்களில் லீக்காகியுள்ளது. அதன்படி டைட்டில் மோஷன் வீடியோவுக்கான சான்றிதழ் வெளியாகியுள்ளது.

அதில், சூர்யா 42 படத்தின் டைட்டில் 'கங்குவா' என பெயரிடப்பட்டுள்ளது. மேலும், டைட்டில் வீடியோ 1 நிமிடம் 16 வினாடிகள் எனக் குறிப்பிடப்பட்டுள்ளது.