சிறுத்தை சிவா இயக்கத்தில் சூர்யா நடிக்கவுள்ள திரைப்படம் தான் சூர்யா 42. இதில் சூர்யாவுக்கு ஜோடியாக நடிகை திஷா பதானி நடிக்க இருக்கின்றார்.

கடந்த ஞாயிறில் சூர்யா 42 திரைப்படத்தின் பூஜை நடைபெற்றது. இதில் நடிகர் சூர்யா பூஜையில் கலந்து கொண்ட போது எடுத்துக்கொண்ட புகைப்படம் ஒன்று தற்போது சமூக வலைதளங்களில் டிரெண்டாகி வருகின்றது. இந்த பட பூஜை குறித்த அதிகாரப்பூர்வ அறிவிப்பு வெளியாகும் என்று ரசிகர்கள் 3 நாட்களாக காத்திருந்தும் எந்த அறிவிப்பும் வெளியாகவில்லை.

இத்தகைய சூழலில், நடிகர் சூர்யா தன்னுடைய ட்விட்டர் பக்கத்தில் சூர்யா 42 படத்தின் பூஜை போட்டோவை வெளியிட்டு ஷுட்டிங் ஆரம்பித்துவிட்டது என பதிவிட்டுள்ளார். சூர்யா, மற்றும் இயக்குநர் சிறுத்தை சிவா தேவி ஸ்ரீபிரசாத்துடன் சூர்யா நிற்கின்ற புகைப்படத்தையும் பகிர்ந்துள்ளார்.

சூர்யா 42 திரைப்படத்தின் ஷுட்டிங் கோவாவுக்கு பதிலாக சென்னையில் இருக்கும் முட்டுக்காட்டில் கோவா போலவே, ஒரு செட் போடப்பட்டு வருவதாக தகவல்கள் வெளியாகி இருக்கின்றன. பிரம்மாண்ட பட்ஜெட்டில் இந்த படம் 2 பாகங்களாக உருவாக உள்ளது. எனவே, கோவாவில் நடத்தாமல் ஏன் இப்படி சென்னையில் செட் போட்டு நடத்திகிரார்கள் என்ற கேள்வியும் தற்போது எழும்பி பரபரப்பை ஏற்படுத்தியுள்ளது.