இன்று வெளியாகிறது கங்குவா படத்தின் "மன்னிப்பு" பாடல்.!

தமிழ் சினிமாவின் முன்னணி நடிகாராக வலம் வரும் சூர்யா தற்போது இயக்குனர் சிவா இயக்கத்தில் 'கங்குவா' திரைப்படத்தில் நடித்துள்ளார். ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரித்துள்ள இந்த படத்தில் திஷா பதானி, பாபி தியோல், யோகி பாபு, ரெடின் கிங்ஸ்லி உள்ளிட்ட பல முன்னணி நடிகர்கள் நடித்துள்ளனர்.

தேவி ஸ்ரீ பிரசாத் இசையமைத்துள்ள இந்தப்படம் 3டி முறையில் ஒரு சரித்திர படமாக உருவாகியுள்ளது. சமீபத்தில் இந்தப்படத்தின் டிரெய்லர் வெளியாகி வைரலான நிலையில், இந்தத் திரைப்படம் வருகிற 14-ந் தேதி வெளியாகும் என்று கங்குவா தயாரிப்பு நிறுவனம் அதிகாரப்பூர்வமாக அறிவித்துள்ளது.

இதற்கிடையில் படக்குழுவினர் மும்பை, புதுடெல்லி, கொச்சி உள்ளிட்ட இடங்களில் படத்தின் புரமோஷன் பணியில் தீவிரமாக ஈடுபட்டு வருகின்றனர். இதனால் படத்தின் மீதான எதிர்பார்ப்பு அனைவரிடத்திலும் அதிகமாகி வருகிறது.

இந்தப்படம் வெளியாக இன்னும் 7 நாட்கள் உள்ளதால் அடுத்தடுத்த பாடல்களும் வெளியாகி கொண்டு இருக்கின்றன. இந்த நிலையில் இன்று மாலை 6 மணியளவில் 'மன்னிப்பு' என்ற அடுத்த பாடல் வெளியாக உள்ளது. இந்தத் தகவலை படக்குழுவினர் இப்பாடலின் புரோமோ வீடியோ ஒன்றை வெளியிட்டு தெரிவித்துள்ளனர்.