'மாமன்னன்' படத்தில் மறக்கவே முடியாத கேரக்டர்.! வடிவேலு குறித்த சுவாரஸ்ய தகவல்.!
vadivelu character in mamannan movie
மாரி செல்வராஜ் இயக்கத்தில் கீர்த்தி சுரேஷ் மற்றும் உதயநிதி ஸ்டாலின் நடிப்பில் உருவாகும் திரைப்படம் தான் மாமன்னன். இந்த திரைப்படத்தில் வில்லன் கதாபாத்திரத்தில் பஹத் பாசில் நடிக்கிறார்.
இதன் படப்பிடிப்பு மிக தீவிரமாக நடைபெற்று வருகிறது. நீண்ட இடைவெளிக்குப்பின் நடிகர் வடிவேலு இந்த படத்தில் நடித்து வருகிறார். அவர் உதயநிதிக்கு அப்பாவாக நடிக்கிறார்.
இந்த கதாபாத்திரம் மிகவும் அழுத்தமான கதாபாத்திரம் என்றும், இது நீண்டநாள் பலரால் மறக்க முடியாத கதாபாத்திரமாக இருக்கும் என்றும் படக்குழு ஏற்கனவே தெரிவித்து இருந்தது.
ஏ.ஆர்.ரகுமான் இந்த படத்திற்கு இசையமைக்க தேனி ஈஸ்வர் ஒளிப்பதிவாளராக இருக்கிறார். ஏற்கனவே, கர்ணன் மற்றும் பரியேறும் பெருமாள் உள்ளிட்ட வெற்றிப்படங்களை கொடுத்த மாரி செல்வராஜின் மூன்றாவது படமாக மாமன்னன் இருக்கின்றது. எனவே, இந்த படத்தின் மீதான எதிர்பார்ப்பு ரசிகர்களுக்கு ஏற்பட்டுள்ளது.
English Summary
vadivelu character in mamannan movie