வாழை படம் டிரெய்லர் எப்போது வெளியாகும் - அப்டேட் கொடுத்த இயக்குனர் மாரி செல்வராஜ்.!
vazhai movie trailer released tomarrow
தமிழ் சினிமாவில் 'பரியேறும் பெருமாள்' திரைப்படம் மூலம் இயக்குனராக அறிமுகமானவர் மாரி செல்வராஜ். இதையடுத்து அவர் தனுஷ் நடித்த 'கர்ணன்', உதயநிதி ஸ்டாலின் நடித்த 'மாமன்னன்' உள்ளிட்ட படங்களை இயக்கி ரசிகர்களிடம் பாராட்டை பெற்றார்.
இதைத் தொடர்ந்து, மாரி செல்வராஜ் இயக்கத்தில் தற்போது உருவாகியுள்ள படம் 'வாழை'. இந்த படத்துக்கு தேனி ஈஸ்வர் ஒளிப்பதிவு செய்துள்ளதுடன், சந்தோஷ் நாராயணன் இசையமைத்துள்ளார். இந்த படத்தில் நடிகர் கலையரசன் கதாநாயகனாக நடித்துள்ளார்.
மேலும், இந்தப் படத்தில் நிகிலா விமல், திவ்யா துரைசாமி, பிரியங்கா மற்றும் சிலர் நடித்துள்ளனர். சமீபத்தில், 'வாழை' படத்தின் பாடல்கள் அடுத்தடுத்து வெளியாகி ரசிகர்களின் கவனத்தைப் பெற்றன.
இந்தப் படம் வரும் 23-ம் தேதி வெளியாக உள்ள நிலையில், படத்தின் டிரெய்லர் குறித்த அறிவிப்பு தற்போது வெளியாகியுள்ளது. அதாவது, நாளை 'வாழை' பட டிரெய்லர் வெளியாகும் என்று இயக்குனர் மாரி செல்வராஜ் போஸ்டர் வெளியிட்டு தெரிவித்துள்ளார்.
English Summary
vazhai movie trailer released tomarrow