நடிகர் அஜித்குமாரின் 62வது திரைப்படத்தை இயக்குனர் விக்னேஷ் சிவன் இயக்கவுள்ளார். இந்நிலையில், சமீபத்திய பேட்டி ஒன்றில் இயக்குனர் விக்னேஷ் சிவன் அஜித்துடன் பணியாற்றப் போகும் படம் எப்படி இருக்கும் என்பது குறித்து தெரிவித்துள்ளார்.

அதில், "இந்த படத்திற்காக எனது 100 சதவீத உழைப்பை கொடுப்பேன். அஜித் சாரை நான் திரையில் பார்த்து ரசித்துள்ளேன். அவரை சந்திக்க 5 நிமிடம் கிடைத்தால் கூட அவ்வளவு சந்தோஷமாக இருக்கும். அவருடன் படம் செய்யும் பொழுது பல மணி நேரம் செலவழிக்க போகிறோம்., என்பதை நினைத்தால் எனக்கு மகிழ்ச்சி தாங்க முடியவில்லை. 

இந்த படத்தை துவங்க மிக ஆவலுடன் இருக்கிறேன். அவருக்கு ஒரு அருமையான படத்தை கொடுக்க வேண்டும். ஏனென்றால், அவருக்கு நிறைய ரசிகர்கள் இருக்கின்றனர். அந்த ரசிகர்களை திருப்திபடுத்தும் விதமாக ஒரு படத்தை கொடுக்க வேண்டும் என்பதுதான் என்னுடைய ஆசை. 

ரிசல்ட்டை விட நான் செய்கின்ற வேலையில் கூடுதல் கவனம் செலுத்த வேண்டும்." என்று தெரிவித்துள்ளார். இந்த படம் குறித்த எதிர்பார்ப்பு ரசிகர்கள் மத்தியில் மிகவும் இருக்கிறது. அத்துடன் அவரது சமீபத்திய காத்துவாக்குல 2 காதல் படம் மொக்கை வாங்கியதால் அஜித்தையும் அப்படி வைத்து விடுவாரோ என்று ரசிகர்கள் குழப்பத்தில் இருக்கின்றனர்.