தமிழ் சினிமாவில் பிரபல இயக்குனராக இருப்பவர் அட்லி. அதன்படி இவர் தளபதி விஜய்யை வைத்து இயக்கிய தெறி, மெர்சல், பிகில் ஆகிய திரைப்படங்கள் மிகப்பெரிய வெற்றியை பெற்றது.

இந்த நிலையில் தற்போது இவர் பாலிவுட் சூப்பர் ஸ்டார் ஷாருக்கானை வைத்து ஜவான் என்ற திரைப்படத்தை இயக்கியுள்ளார். இந்த படத்தில் நயன்தாரா, விஜய் சேதுபதி மற்றும் யோகி பாபு ஆகியோர் நடித்துள்ளனர்.

மேலும் இந்த படத்தின் மூலம் அனிருத் இந்தியில் இசையமைப்பாளராக அறிமுகமாகியுள்ளார். பான் இந்தியா திரைப்படமாக உருவாகியுள்ள ஜவான் திரைப்படம் வரும் செப்டம்பர் மாதம் 7ம் தேதி திரையரங்களில் வெளியாக உள்ளது.

இந்த நிலையில் ஜவான் படத்தின் சண்டை பயிற்சியாளர் பேசிய வீடியோ ஒன்று சமூக வலைதளங்களில் வைரலாகி வருகிறது. இந்த படத்தில் விஜய் கெஸ்ட் ரோலில் நடித்துள்ளதாக கடந்த சில நாட்களாக சமூக வலைதளங்களில் தகவல் வெளியாகி வருகிறது.

இத்தகைய நிலையில் நேர்காணல் ஒன்றில் பேசிய ஜவான் படத்தின் சண்டை பயிற்சியாளர் யானிக் பென், விஜய்யும் ஷாருக்கானும் ஒரே பிரேமில் ரசிகர்கள் பார்ப்பார்கள் என உளறியுள்ளார். அதன் பின்னர் சுதாரித்துக் கொண்ட அவர் விஜய் சேதுபதியை கூறியதாக சமாளித்துள்ளார். மேலும் தளபதி விஜய் நடித்துள்ளாரா என்பது குறித்து உறுதியாக கூற முடியாது எனவும் அவர் தெரிவித்துள்ளார்.