'தீ தளபதி ரசிகர்களின் அதிபதி'.. விஜயின் வாரிசு படத்தின் 2வது பாடல் வெளியீடு.!

நடிகர் விஜய் தற்போது வம்சி இயக்கத்தில் வாரிசு திரைப்படத்தில் நடித்து வருகிறார். இந்தத் திரைப்படத்திற்கு தமன் இசையமைக்க தில் ராஜு தயாரிக்கிறார். இதில் நடிகை ராஷ்மிகா மந்தனா ஹீரோயினாக நடிக்கிறார். இந்த திரைப்படத்தில் சரத்குமார், நடிகர் ஷ்யாம் உள்ளிட்ட பல பிரபலங்கள் நடித்துள்ளனர்.

இந்த வாரிசு படத்தின் இசை வெளியீட்டு விழா வரும் டிசம்பர் 24ஆம் தேதி சென்னை நேரு உள் விளையாட்டு அரங்கில் நடைபெற உள்ளது. மேலும், இந்த இசை வெளியீட்டு விழாவில் நடிகர் விஜய் உள்ளிட்ட படக்குழுவினர் அனைவரும் கலந்து கொள்கின்றனர்.

இதனிடையே பொங்கல் பண்டிகைக்கு விஜய் நடித்த 'வாரிசு' படம் வெளியாகும் என ஏற்கனவே படக்குழு அறிவித்துள்ளது. இந்த நிலையில் வாரிசு படத்தின் 2வது பாடல் தற்போது வெளியாகியுள்ளது. இந்த பாடலை சிம்பு பாடியுள்ளார் என்பது குறிப்பிடத்தக்கது.