தமிழ் திரை உலகில் கிடைத்த வாய்ப்பில், ஒரு சில கதாபாத்திரங்களில் தலை காட்டி வந்த நடிகர் விஜய் சேதுபதி, இன்று முன்னணி கதாநாயகர்களின் படங்களில் முக்கிய கதாபாத்திரத்தில் இடம்பெற்று புகழின் உச்சிக்கு சென்றுள்ளார்.

தமிழ் திரையுலகம் மட்டுமல்லாமல், தெலுங்கு, மலையாளம், ஹிந்தி என தனது நடிப்பால் வெற்றி கொடி நாட்டி வருகிறார் விஜய் சேதுபதி.

அவரின் இயல்பான, தனித்துவமான நடிப்பு தான் இது அத்தனைக்கும் காரணம். சூது கவ்வும், விக்ரம் வேதா போன்ற திரைப்படங்கள் அவரின் மாஸ் படங்கள்.

தற்போது ஹிந்தியில் நடிகர் ஷாருகானுக்கு வில்லனாக ஜவான் படத்தில் நடிகர் விஜய் சேதுபதி நடித்து வருகிறார். தெலுங்கில் நடிகர் ராம்சரண் படத்திலும் விஜய் சேதுபதி நடித்து வருகிறார்.

இந்த நிலையில், நடிகர் கார்த்திக்கு வில்லனாக விஜய் சேதுபதி நடிக்க உள்ளதாக பரபரப்பு தகவல் கோலிவுட் வட்டாரத்தில் வெளியாகியுள்ளது.

நடிகர் கார்த்தி நடிப்பில் கடந்தாண்டு வெளியான சர்தார் படத்தின் இரண்டாவது பாகத்தில் தான் நடிகர் விஜய் சேதுபதி வில்லனாக நடிக்க உள்ளதாக அந்த தகவல் நமக்கு தெரிவிக்கிறது.

முதல் பாகத்தை இயக்கிய இயக்குநர் பி எஸ் மித்திரன் தான் இந்த படத்தையும் இயக்க உள்ளதாகவும், திரில்லர் ஆக்ஷன் கதை களத்தில் படம் இருக்கும் என்றும் சொல்லப்படுகிறது.