வாரத்தில் குறைந்தது ஒரே ஒரு முறையாவது கீரைகளை உணவில் சேர்த்துக்கொள்ள வேண்டியது அவசியம். அந்தக் கீரை வகைகளில் மிகவும் சிறந்தது பொன்னாங்கன்னி கீரை. இதன் மருத்துவ பலன்களை இந்த பகுதியில் காண்போம்.

* உடல் எடை குறைக்க பொன்னாங்கன்னி கீரை மிகவும் உதவுகிறது. இந்தக் கீரையுடன் மிளகும், உப்பும் சேர்த்து சாப்பிட்டு வந்தால் உடல் எடை குறையும்.

* இதேபோல், பொன்னாங்கண்ணி கீரையுடன் துவரம் பருப்பு, நெய்யுடன் சேர்த்து சாப்பிட்டால் உடல் எடை கூடும். இந்தக் கீரையை தொடர்ந்து சாப்பிட்டால், உடல் வலிமை பெரும். எலும்புகள் உறுதியாகும்.

* இந்தக் கீரையை சாப்பிட்டால் வாய் துர்நாற்றம் போகும். இதயம் மற்றும் மூளை புத்துணர்வு பெறுகிறது. இதனால் நாம் சுறுசுறுப்பாக செயல்பட முடிகிறது.

* பொன்னாங்கண்ணி கீரை மூலநோய் மற்றும் மண்ணீரல் நோய்களைப் குணப்படுத்தும் ஆற்றல் கொண்டது. இந்தக் கீரையை 27 நாட்கள் தொடர்ந்து சாப்பிட்டு வந்தால் கண் பார்வை நன்றாக தெரியும்.

* பொன்னாங்கண்ணி கீரையை சிறிது சிறிதாக நறுக்கி, அதனுடன் பாசிப்பருப்பு, சின்ன வெங்காயம், சீரகம், பூண்டு, மிளகுத்தூள் சேர்த்து வேகவைத்து மசியல் செய்து சாப்பிட்டு வந்தால் அசுத்த இரத்தம் சுத்தமாகும்.

* இரவு சரியாக தூக்கமில்லாத காரணத்தாலும், நீண்ட நேரம் செல்போன், கணிணி போன்ற எலட்ரானிக் சாதங்களை பார்ப்பதாலும் கண்கள் சிவந்து காணப்படும். இதனை போக்க பொன்னாங்கண்ணி கீரையை பொறியல் செய்து சாப்பிட வேண்டும்.

* தங்கம் போன்ற சருமத்தை தரும் ஆற்றல் கொண்டது பொன்னாங்கன்னி கீரை. இந்த கீரையை சாப்பிட்டால் உடல் அழகு மேம்படும்.