மழைக் காலத்தில் 'கர்ப்பிணிகள்' தவிர்க்க வேண்டிய உணவுகள் எவை, எவை தெரியுமா?!
Pregnant Womens Should Avoid Eating These Foods During Monsoon
கர்ப்பிணி பெண்கள் பல்வேறு விதமான உணவுகளை விரும்புவார்கள். ஆனால் மழைக் காலத்தில் ஏற்படும் தொற்றுக்களில் இருந்தும், உடல் உபாதைகளில் தங்களைக் காத்துக் கொள்ள கர்ப்பிணிகள் உண்ணக் கூடாத உணவுகள் குறித்து தெரிந்து கொள்வோம்.
1. சமைக்காத உணவுகள் :
சமைக்காத அல்லது வெந்தும் வேகாத மாதிரியான உணவுகளை குறிப்பாக இறைச்சி, முட்டை ஆகியவற்றை கர்ப்பிணிகள் மழைக் காலத்தில் தவிர்க்க வேண்டும். இவற்றில் தீங்கு விளைவிக்கும் பாக்டீரியாக்கள் அதிகம்.
2. சாலையோரக் கடையில் விற்கும் உணவுகள் :
இவை சுகாதாரம் குறைவாக இருப்பதால் எளிதில் தொற்று நோய் ஏற்படும் அபாயம் உண்டு. எனவே இவற்றையும் தவிர்க்க வேண்டும்.
![](https://img.seithipunal.com/media/j24.8-tndx6.png)
3. கீரைகள் மற்றும் பச்சை காய்கறிகள் :
கீரைகள் சத்தானவை தான். ஆனால் மழைக் காலங்களில் இவற்றில் பாக்டீரியா மற்றும் பூஞ்சைகள் அதிகளவில் வளரும். அதேபோல் பச்சை காய்கறிகளும் உண்பது ஆபத்து.
4. டீ மற்றும் காஃபி :
பொதுவாக அனைவருமே மழைக் காலத்தில் டீ, காஃபி குடிக்க விரும்புவார்கள். ஆனால் கர்ப்பிணிகளுக்கு இதனால் இதயத் துடிப்பு மற்றும் BP அதிகரிக்கும் அபாயம் உள்ளது. மேலும் இது குழந்தைக்கும் தீங்கு விளைவிக்கும்.
5. பதப்படுத்தப் படாத பால் மற்றும் பால் பொருட்கள் :
பதப்படுத்தப் படாத பால் மற்றும் பால் பொருட்களில் லிஸ்டீரியா என்ற பாக்டீரியாவானது அதிகளவில் உள்ளது. இது வயிற்றில் இருக்கும் குழந்தைக்கு தீங்கு விளைவிக்கும்.
செய்ய வேண்டியவை :
வீட்டிலேயே காய்ச்சிய தண்ணீரை மட்டுமே எப்போதும் பருக வேண்டும். பழங்கள், காய்கறிகளை நன்கு கழுவிய பிறகே உண்ண வேண்டும்.
English Summary
Pregnant Womens Should Avoid Eating These Foods During Monsoon