அடுத்தடுத்து தொடரும் நிலக்ச்சரிவு - மணிப்பூரில் 2 பேர் பலி.!

தென்மேற்கு பருவ மழையினால் கேரளா மாநிலத்தில் உள்ள வயநாட்டில் நேற்று அதிகாலை அடுத்தடுத்து ஏற்பட்ட நிலச்சரிவு நாட்டையே அதிர்ச்சிக்குள்ளாக்கியுள்ள நிலையில், வடகிழக்கு மாநிலங்களில் ஒன்றான மணிப்பூரிலும் நிலச்சரிவு ஏற்பட்டுள்ளது.

கடந்த சில நாட்களாக மணிப்பூர் மாநிலத்தில் கனமழை பெய்து வருகிறது. இந்த நிலையில், மாநிலத்தின் தலைநகர் இம்பாலில் இருந்து 145 கிலோமீட்டர் தொலைவில் உள்ள டிம்தான்லாங் கிராமத்தில் கனமழையால் நிலச்சரிவு ஏற்பட்டுள்ளது.

இந்த நிலச்சரிவில் போலீஸ்காரர் ஒருவரின் வீடு சேதமானதுடன் போலீஸ்காரரும் படுகாயங்களுடன் மீட்கப்பட்டார். தற்போது அவருக்கு மருத்துவமனையில் சிகிச்சை அளிக்கப்பட்டு வருகிறது.

இருப்பினும், அவரது மனைவி மற்றும் இரண்டு வயது மகன் நிலச்சரிவில் சிக்கி உயிரிழந்தனர். இந்த சம்பவம் தொடர்பாக தீவிர விசாரணை நடத்தப்பட்டு வருகிறது.