மேகவெடிப்பால் 4 பேர் உயிரிழப்பு..!
4 people died due to cloudburst..!
உத்தரகாண்ட் மாநிலத்தில் டேராடூன் மாவட்டத்தில் உள்ள ராய்ப்பூர் பகுதியின் அருகே சர்கெட் கிராமத்தில் இன்று அதிகாலை 2.45 மணியளவில் மேக வெடிப்பு ஏற்பட்டது.
இதனால் அங்கு பலத்த மழை கொட்டியதில், பல ஆறுகளில் வெள்ள பெருக்கு ஏற்பட்டுள்ளது. இதையடுத்து அங்கு விரைந்து சென்ற பேரிடர் மீட்பு குழுவினர் கிராமத்தில் சிக்கி இருந்த மக்களை மீட்டனர். சிலர் அருகில் இருக்கும் பாதுகாப்பான இடங்களில் தஞ்சம் அடைந்துள்ளனர்.
இந்த திடீர் கனமழையால் ஏற்பட்ட வெள்ளத்தில் சிக்கி நாலு பேர் உயிரிழந்தனர். ஆற்றில் ஏற்பட்ட வெள்ளத்தினால் பாலம் அடித்துச்செல்லப்பட்டதில் பத்து பேர் காணாமல் போயுள்ளனர் என்று அதிகாரிகள் தெரிவித்துள்ளனர்.
இம்மழையால் ஏற்பட்ட வெள்ளத்தில் அடித்துச் செல்லப்பட்டவர்களை அதிகாரிகள் தேடி வருவதுடன், பாதிக்கப்பட்ட மக்களுக்கு தேவையான உதவிகளையும் வழங்கி வருகின்றனர்.
English Summary
4 people died due to cloudburst..!