மக்களவைத் தேர்தலுக்கான இறுதிக்கட்ட வாக்குப்பதிவு நடைபெற்று வருகிறது. கடும் வெயிலையும் பொருட்படுத்தாமல் மக்கள் ஆர்வத்துடன் வாக்களித்து வருகின்றனர். உ.பி., மாநிலம் பல்லியாவில் வாக்களிக்க வந்த 65 வயது முதியவர் வரிசையில் நின்று உயிரிழந்தார்.

பல்லியா மாவட்டத்தின் பாக்டி காவல் நிலைய எல்லைக்குட்பட்ட சக் பஹவுதீன் கிராமத்தில் அமைந்துள்ள ஆரம்பப் பள்ளியின் சாவடி எண் 257 இல் வாக்களிக்க வந்த முதியவர் கணேஷ் சவுகானின் மகன் ரம்பச்சன் சவுகான் வரிசையில் நின்று கொண்டிருந்தார். அப்போது திடீரென அவருக்கு மயக்கம் ஏற்பட்டது. இதையடுத்து அவர் கீழே விழுந்தார். உடனடியாக மருத்துவமனைக்கு அழைத்துச் செல்லப்பட்டார். ஆனால் அவர் அதற்க்கு முன்னதாகவே இறந்ததாக கூறப்படுகிறது 

உத்தரபிரதேசத்தில் மதியம் 1 மணி வரை 49 சதவீதத்திற்கும் அதிகமான வாக்குப்பதிவு நடந்துள்ளது. இதில் கோரக்பூரில் குறைந்த வாக்குப்பதிவு பதிவாகியுள்ளது. உ.பி.யில் உள்ள 13 லோக்சபா தொகுதிகளுக்கு ஓட்டுப்பதிவு நடக்கிறது. இதில், பிரதமர் மோடி உட்பட 144 வேட்பாளர்கள் களத்தில் உள்ளனர். உ.பி.யில் மதியம் 1 மணி வரை அதிகபட்சமாக மகாராஜ்கஞ்சில் 42.29 சதவீத வாக்குகள் பதிவாகியுள்ளன.

கோரக்பூர் மக்களவைத் தொகுதி பாஜக வேட்பாளர் ரவி கிஷன் சனிக்கிழமை வாக்குச் சாவடிக்கு வந்து வரிசையில் நின்று வாக்களித்தார். ​​இந்தியாவில் விவிஐபி கலாச்சாரத்தை முடிவுக்கு கொண்டு வர வேண்டும் என்ற பிரதமர் மோடியின் யோசனையை ஊக்குவிப்பதாக ரவி கிஷன் கூறினார். நாங்கள் விஐபிக்கள் அல்ல, பொதுமக்களின் சேவகர்கள் என்று பிரதமர் மோடி நமக்கு கற்றுக் கொடுத்துள்ளார் என்று கூறினார்.