இன்று பிரதமராக பதவியேற்கவுள்ள நரேந்திர மோடிக்கு பாலிவுட் நடிகர் அஜய் தேவ்கன் வாழ்த்து தெரிவித்துள்ளார். பிரதமர் மோடி தொடர்ந்து மூன்றாவது முறையாக பிரதமராக பதவி ஏற்பதை தொடர்ந்து  அவரது பதவி பிரமான விழாவிற்கு அதற்கான ஏற்பாடுகள் மும்முரமாக நடந்து வருகின்றன.

பாலிவுட் நடிகர் அஜய் தேவ்கன் தனது X பக்கத்தில் , “பிரதமர் நரேந்திரமோடி ஜி மீண்டும் தேர்ந்தெடுக்கப்பட்டதற்கு வாழ்த்துகள்! அவரது ஞானம் மற்றும் கருணையுடன் இந்தியாவை செழிப்பு மற்றும் மகத்துவத்தை நோக்கி வழிநடத்துவதில் தொடர்ந்து வெற்றிபெற வாழ்த்துகிறேன்". என்றார்.

தொடர்ந்து மூன்றாவது வெற்றி பெற்ற பிரதமர் மோடிக்கு ரஜினிகாந்த் வாழ்த்து தெரிவித்துள்ளார். “நரேந்திர மோடி தொடர்ந்து மூன்றாவது முறையாக பிரதமராக பதவியேற்கவுள்ளார். இது மிகப் பெரிய சாதனை. அவருக்கு எனது வாழ்த்துக்கள்,” என்று ரஜினி காந்த் கூறியுள்ளார்.

இதை தொடர்ந்து இந்திய கூட்டணியின் வெற்றியை ரஜினிகாந்த் ஒப்புக்கொண்டார், ''இந்த நாடாளுமன்றத் தேர்தலில் வலுவான எதிர்க்கட்சியையும் மக்கள் தேர்ந்தெடுத்துள்ளனர். அது ஆரோக்கியமான ஜனநாயகத்திற்கு வழிவகுக்கும். ஆந்திர முதல்வராக சந்திரபாபு நாயுடு பதவியேற்கும் விழாவுக்கான அழைப்பு எனக்கு வந்தது. அங்கு செல்வது பற்றி நான் உங்களுக்கு அறிவிப்பேன், ”என்று ரஜினிகாந்த் கூறினார்.

இன்று நடக்கவிருக்கும் பிரதமர் பதவி ஏற்பு விழாவில் பாலிவுட் நடிகை கங்கனா ரனாவத் கலந்து கொள்வார் என எதிர்பார்க்கப்படுகிறது. இன்று இரவு 7:15 மணிக்குத் திட்டமிடப்பட்ட பதவியேற்பு விழா, ராஷ்டிரபதி பவனின் முன்புறத்தில், ஐந்து துணை ராணுவப் படையினர், NSG கமாண்டோக்கள், ட்ரோன்கள் மற்றும் ஸ்னைப்பர்கள் உட்பட பலத்த பாதுகாப்புடன் நடைபெற உள்ளது. பாஜக தலைவர் ஜேபி நட்டா அனைத்து தேசிய ஜனநாயகக் கூட்டணி தலைவர்கள் மற்றும் கட்சி நிர்வாகிகளுக்கு இரவு விருந்து வழங்குவார் என்று எதிர்பார்க்கப்படுகிறது.