கேரளா || எல்.ஈ.டி விளக்கு, எக்ஸாஸ்ட் பேனுடன் வளர்க்கப்பட்ட கஞ்சா செடி - இருவர் கைது.!

கேரள மாநிலத்தில் திருக்காக்கரை பகுதியில் இருக்கும் அஜந்தா அடுக்குமாடி குடியிருப்பில், கஞ்சா செடி வளர்க்கப்படுவதாக போலீசாருக்கு தகவல் கிடைத்தது. அந்த தகவலின் பேரில் அக்குடியிருப்பில் போலீசார் சோதனை மேற்கொண்டனர்.

அப்போது அங்குள்ள பி 3 என்ற குடியிருப்பில், அபர்ணா ரெஜி என்ற பெண்ணும், அவரது உறவினரான ஆலன் ராஜூவும் சமையலறையில், தொட்டியில் வைத்து கஞ்சா செடி வளர்த்து வந்ததை கண்டுபிடித்தனர்.

சுமார் 1 1/2 அடி உயரமுள்ள கஞ்சா செடியை அங்கிருந்து போலீசார் கைப்பற்றினர். அவர்களிடம் மேற்கொண்ட விசாரணையில் இருவரும் என்ஜினியர் எனவும் கடந்த 8 மாதங்களாக அக்குடியிருப்பில் தங்கியிருப்பதாகவும் தகவல் தெரியவந்தது.

இதனையடுத்து அவர்கள் இருவரும் கைது செய்யப்பட்டனர். கஞ்சா செடிக்காகவே அவர்கள் தங்களது சமையலறையில் பிரத்தியேகமாக எல்.ஈ.டி விளக்குகளும், எக்ஸாஸ்ட் பேனும் அமைத்திருந்தது குறிப்பிடத்தக்கது